Nota de Prensa
Barreiro: “non permitiremos que Blanco volte a incumplir os seus compromisos con Lugo”
* O presidente dos populares lucenses anunciou a presentación de mocións no Senado e na Deputación para que se manteñan os prazos de execución fixados para as autovías e o AVE na provincia de Lugo
* Fixo un chamamento ó resto das forzas políticas, sociais e económicas da provincia para reinvindicar nunha fronte común o seu cumprimento
* Tamén reprochou ó BNG a súa incoherencia sobre o papel das deputacións e convidou a Gómez Besteiro a romper o pacto de goberno cun partido que non cree nesta institución
Lugo, a 20 de maio de 2010.- O plan de axuste anunciado polo Goberno, con especial atención nos recortes en inversións e o retraso das obras comprometidas polo Ministerio de Fomento para a provincia de Lugo, capitalizaron hoxe a reunión do comité de dirección do Partido Popular de Lugo.
O Presidente dos populares lucense José Manuel Barreiro non dubidou en calificar de “convulsa” a última semana polo plan de axuste que vai desgranando, “non con poucas contradiccións”, o Goberno Zapatero “e que causará graves perxuizos a nosa provincia polas propias características sociodemográficas”, ó tempo que recoñeceu que “vemos con alarmante preocupación” os recortes na inversión e o retraso na execución das obras comprometidas anunciado onte polo Ministro de Fomento José Blanco ó que, segundo anunciou, “opoñerémonos. Non permitiremos que volte a incumplir os seus compromisos con Lugo”.
“Galicia e Lugo en particular non teñen que pagar a desfeita dos socialistas e José Blanco non pode castigarnos con novos retrasos, despois dos cinco anos de esquecemento ó que nos someteu a súa predecesora no Ministerio de Fomento, en infraestructuras vitais para o noso desenvolvemento”, explicou. De feito, segundo indicou, presentou no Senado sendas mocións sobre as autovías e o AVE, ás que se sumarán novas iniciativas nas distintas cámaras de representantes a todos os niveis, principiando xa pola propia Deputación de Lugo onde tamén se rexistrou unha moción en similares termos e o propio Congreso.
Na primeira insta ó Goberno central a comprometerse a que a anunciada reducción orzamentaria na inversión pública estatal non afectará ás obras ni ós prazos previstos para as autovías A-54, entre Lugo e Santiago; a A-56 entre Lugo e Ourense, a A-8 nos tramos que restan por finalizar ó seu paso pola provincia de Lugo, a A-72 entre Chantada e Monforte, nin nos Corredor da Costa nos tramos asumidos polo Estado, entre Barreiros e San Cibrao.
Na súa proposta Barreiro fai constar que as citadas autovías, ademáis de tener un carácter estratéxico para o desenvolvemento da provincia e de ser proxectos rentables social, económica e medioambientalmente, xa acumulan un retraso considerable na súa execución (a A-54 e a A-56 deberían estar rematadas este ano) polo que, segundo salienta, “sería absolutamente discriminatorio e inxustificable unha demora aínda maior”.
En parecidos termos reivindica o cumplimento dos prazos previstos para a chegada a Galicia do AVE en 2015, facendo explícita alusión ó denominado Pacto do Obradoiro.
“Blanco dixo onte que tiña palabra, pero en Lugo desgraciadamente sabemos o que eso significa, e aí están as hemerotecas para comprobalo. Na campaña das xerais de 2008 prometeu o mesmo que comprometera na campaña anterior e as cousas hoxe en día xa vemos como están. Hai un mes dixo que non quería que o seu paso polo ministerio pasase desapercibido en Lugo. Agora ten a oportunidade de facelo”, dixo Barreiro, quen tamén fixo un chamamento ó resto das forzas políticas, sociais e empresariais para que “fagan forza e fronte común na defensa dos intereses da provincia”.
IMPACTO PENSIONISTAS E FUNCIONARIOS.-
O presidente dos populares lucenses tamén suliñou a “negativa repercusión” que o plan de axuste do déficil terá na provincia. Así, fixo fincapé, en que en Lugo hai algo máis de 20.000 funcionarios dos que máis do 65 % son mileuristas, segundo recoñecía hai uns días unha central sindical, e algo máis de 80.000 xubilados, que representan o 22 por cento da población, que despois de verse afectados polo incremento do IRPF, verán conxelada a súa pensión.
“Polas nosas características sociodemográficas verémonos golpeados con máis forza que outras provincias e non é preciso lembrar o estado no que se atopan os nosos sectores productivos, fundamentalmente o primario”, apuntillou.
PAPEL DAS DEPUTACIÓNS.-
José Manuel Barreiro tamén amosouse moi crítico coa proposta do BNG de suprimir as Deputacións. “A Deus rogando e co mazo dando. Eso é o que fan os nacionalistas. É dun cinismo e dunha hipocresía sen límites estar nunha institución, formar parte do goberno como é o caso de Lugo, e ó mesmo tempo plantexar iniciativas encamiñadas a acadar a súa desaparición”, explicou.
Neste senso José Manuel Barreiro convidou ós nacionalistas a “ser consecuentes” e abandoar as deputacións “porque do contrario dará a impresión de que o único que os move é o interese económico e partidista e non a defensa dos veciños desta provincia”. Tamén instou a José Ramón Gómez Besteiro a “ser valente e a romper o pacto que ten co BNG”.
O líder dos populares lucenses indicou que o Grupo provincial popular levará ó vindeiro pleno unha moción na que se propón que a Deputación se dirixa á Xunta e ó Goberno central para instalos a defender o papel das institucións provincias tal e como se recolle na Constitución.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
