RIBADEO (FNC) .- O orzamento municipal para este 2010 someterase a aprobación nun pleno extraordinario previsto para o vindeiro 18 de maio. O alcalde, Fernando Suárez, defíneo como axustado e austero e destaca como novidade a creación dun fondo social contra a crise. O presuposto ascende a máis de 9 millóns de euros.
O rexedor sinalou que “se trata dun orzamento axustado á realidade económica e social e é austero. Neste 2010, e con este xa vai un ano máis, no que non se precisa recurrir ao endebedamento financeiro externo, o Concello desde hai tempo ten que pagar préstamos pedidos anos atrás e non se considera prudente nin razoable endebedarse agora de maneira ordinaria”.
Suárez Barcia manifestou que “este orzamento que onte lles foi explicado aos grupos municipais achegas externas ben da Deputación, dos ministerios ou da Xunta. Ao mesmo tempo somos conscientes de que os ingresos non son como era nin para nós, nin para ningún Concello e tampouco para ningunha entidade pública deste Estado. Redúcense os ingresos adaptándoos á realidade do que van ser”.
O alcalde ribadense suliñou que “a parte de reducir os ingresos, de reducir os gastos, de manter e ampliar a inversión, eu creo que este orzamento propón unha novidade con respecto aos demais desde o punto de vista social, queremos ter un plan de choque, un fondo social de emerxencia contra esta crise que hai, na medida das nosas posibilidades e dentro da nosa capacidade económica. De aí que destináramos unha importante partida coa que queremos que ningún neno nin ningún adulto con membros da súa familia no paro deixe de acudir a aquelas actividades ofertadas polo Concello. Que ninguén deixe de ir á Escola de Música por non poder pagar a matrícula, que ninguén deixe de ir á piscina municipal ou que ningún neno deixe de ir ás escolas deportivas por este motivo”. Fernando Suárez asegurou que “esto haberá que regulalo para evitar a picaresca, terá que haber informes dos Servizos Sociais… non queremos facer máis difíciles as situacións familiares, desde o Concello renunciamos a outro tipo de gastos e preferimos adicar unha partida importante a este fondo social contra a crise, que dotaremos dun regulamento claro, transparente e cunha orde de convocatoria”.
O rexedor confía en que “nesta situación económica tan mala na que estamos o resto de grupos da Corporación apoien estes orzamentos e aúnen esforzos para cando menos desde o punto de vista municipal, xa que non podemos poñerlle impostos aos que nos xeraron estes problemas, non podemos apertarlle as caravillas á banca, sí queremos aliviar e paliar o sufrimento de moitas familias do noso concello que se atopan nunha situación francamente mala”.
O informe favorable de Intervención a este presuposto recolle que “se observa un orzamento de ingresos que respecta o principio de prudencia máis que nos exercicios anteriores… obsérvase unha baixada no gasto corrente, gastos financeiros, transferencias de capital e activos financieiros”. Intervención di que “de continuar a tendencia que se veu iniciando na liquidación de 2008 poderá falarse xa de recuperación económica máis pronto que tarde”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
