LUGO .- A Consellería de Economía e Industria adxudicou á empresa consultora Deloitte S.L a elaboración dun proxecto para o impulso económico da provincia de Lugo. A adxudicación, que ten carácter provisorio, ascende a 230.520 euros, dos que 60.000 dependerán do novo emprego vinculado aos investimentos foráneos captados por mediación directa da empresa adxudicataria
Nota de Prensa
ECONOMÍA E INDUSTRIA ADXUDICA A DELOITTE S.L. A ELABORACIÓN DO PROXECTO PARA O IMPULSO ECONÓMICO DA PROVINCIA DE LUGO
* Segundo a resolución do director xeral de Igape, publicada hoxe, o importe total da adxudicación, que ten carácter provisorio, ascende a 230.520 euros, dos que 60.000 dependerán do novo emprego vinculado aos investimentos foráneos captados por mediación directa da empresa adxudicataria
* A delegada territorial da Xunta en Lugo, Raquel Arias, destaca que este “importante paso” continúa coa temporalización realizada trala posta en marcha do ImpulsaLugo, “que conta dende a súa aprobación cunhas medidas transitorias que teñen plena aceptación por parte do ámbito empresarial”
* A empresa disporá dun máximo de cinco meses, contados desde a sinatura do contrato, para elaborar o proxecto e colaborará durante un ano e medio na implantación e seguimento correspondente
* O proxecto deberá definir un plan de competitividade para a provincia e incorporar a definición de novas actividades económicas e accións para desenvolvelas na provincia, así como propostas para impulsar, reorientar ou potenciar sectores xa existentes
Lugo, 19 de maio de 2010.- A Consellería de Economía e Industria vén de adxudicar á empresa consultora Deloitte S.L., a través do Instituto Galego de Promoción Económica (Igape), a elaboración do proxecto para o impulso económico da provincia de Lugo. Segundo a resolución asinada polo director xeral do Igape que se fixo pública hoxe, o importe total da adxudicación, que ten carácter provisorio, ascende a un total de 230.520 euros (IVE incluído), dos que un máximo de 60.000 euros dependerán do emprego vinculado aos investimentos foráneos captados por mediación directa da empresa adxudicataria. A elaboración do proxecto está cofinanciada a través do Fondo Europeo de Desenvolvemento Rexional (Feder).
A delegada territorial da Xunta en Lugo, Raquel Arias, destacou que esta adxudicación representa “un novo e importante paso” que continúa coa temporalización realizada trala posta en marcha do ImpulsaLugo, “que conta dende a súa aprobación en setembro cunhas medidas transitorias en vigor que están a recibir a total aceptación por parte do ámbito social e empresarial”. Estas medidas manteranse plenamente vixentes ata a aprobación do proxecto estratéxico que ven de ser adxudicado.
A empresa Deloitte S.L. disporá dun prazo máximo de cinco meses, a contar desde a sinatura do contrato de adxudicación, para a elaboración deste proxecto destinado a impulsar o desenvolvemento económico da provincia de Lugo. A continuación, e de acordo coa súa oferta, a sociedade elixida deberá colaborar no seguimento da aplicación do proxecto durante un ano e medio. O orzamento de licitación para a contratación dos servizos de elaboración, implantación e seguimento do proxecto de impulso económico da provincia de Lugo era de 280.000 euros, IVE incluído.
Para proceder á correspondente adxudicación provisoria, o Igape valorou de xeito especial, de acordo cos criterios establecidos nos pregos que rexeron a licitación, a calidade da proposta de Deloitte, que inclúe detalle das accións adecuadas aos obxectivos finais que se procuran co proxecto, que deberá identificar os sectores de actividade e as oportunidades de desenvolvemento empresarial a desenvolver cara o futuro. A proposta gañadora destaca pola súa metodoloxía de análise, eminentemente práctica e que pon énfase nos factores de decisión crítica. Tamén achega unha selección e priorización de sectores de actividade, posicionando as vantaxes competitivas de cada sector, factor que facilitará a posterior aplicación do plan elaborado.
Segundo as prescricións de licitación, o proxecto concretará “novas actividades específicas que se estima idóneo implantar na provincia de Lugo, así como avaliación das actividades económicas existentes que convén desenvolver, reorientar ou potenciar”, expuxo Raquel Arias. Segundo o previsto no prego das prescricións técnicas da licitación, o proxecto final deberá ter un carácter marcadamente práctico e estará orientado á elaboración de plans de actuación que faciliten a identificación e priorización das actuacións que teñen que levarse a cabo no corto, medio e longo prazo para acadar o obxectivo buscado, que non é outro que darlle impulso económico a esta provincia.
O proxecto deberá incluír unha análise da competitividade territorial, con propostas concretas para superar os factores que a limitan na actualidade, así como a definición de novas actividades e os plans para desenvolvelas na provincia. O proxecto “tamén incorporará a avaliación de opcións concretas de crecemento para a provincia, así como a priorización das opcións de desenvolvemento seleccionadas e a valoración do impacto de crecemento en PIB e en nivel de emprego”, concluíu a delegada territorial.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
