CERVO .- Asegura o goberno do Concello de Cervo que veciños quéixanse dunha obra que está acometendo a Deputación na estrada provincial que une as parroquias de San Román e Rúa con Burela e “queixas pola perigosidade do cruce de San Román”.
Nota de Prensa
O CONCELLO RECIBE NUMEROSAS QUEIXAS POLA PERIGOSIDADE DO CRUCE DE SAN ROMÁN
Os veciños estanse a queixar por distintas deficiencias nas obras dunha rotonda que está acometendo a Deputación neste punto
Cervo, 17 Maio de 2010.- O Concello de Cervo ten recibido nestas últimas semanas unha serie de queixas de distintos usuarios da estrada provincial que une as parroquias de San Román e Rúa con Burela. As queixas céntranse concretamente nas obras da rotonda que o organismo provincial esta a facer no cruce popularmente coñecido como “da estatua”, na parroquia de San Román e no cal conflúe o tráfico rodado procedente destas tres localidades (Rúa, San Román e Burela).
Segundo indicou a concelleira do grupo de Goberno, Yolanda Pedreira, varios usuarios habituais desta estrada levan amosado nas últimas semanas o seu descontento por como se están desenvolvendo estas obras basicamente en dous aspectos: as reducidas dimensións que aparentemente vai ter o radio de xiro da devandita rotonda e a nula visibilidade que existe neste cruce para os vehículos que proceden de San Román e queren dirixirse a Rúa ou a Burela.
Sobre o primeiro dos casos -as reducidas dimensións de xiro da rotonda- a concelleira cervense sinalou que actualmente é imposible que os vehículos pesados e autobuses poidan facer o xiro natural da rotonda (deixando o centro da circunferencia á esquerda), “se non que teñen que deixar o centro da rotonda á dereita e ocupar o carril contrario se queren xirar, co conseguinte perigo que isto supón” indicou Pedreira.
“Así mesmo -proseguiu a edil- os vehículos que veñen de San Román e queren ir a Rúa ou Burela teñen unha visibilidade moi deficiente neste cruce e vense obrigados a invadir o carril case na súa totalidade para ver se ven algún vehículo antes de incorporarse á circulación”.
A concelleira do grupo de Goberno solidarizouse co malestar xeneralizado das persoas descontentas con esta actuación e puntualizou que o Concello non ten ningún tipo de competencia no que atinxe a estas obras, “porque se trata dunha estrada de competencia provincial. Por iso -indicou- cúmprelle á Deputación facer os cambios que sexan necesarios de cara a garantir a circulación segura neste punto da estrada antes de que suceda algo do que nos teñamos que arrepentir”.
Pedreira tamén precisou que o Goberno local remitira hai uns meses unha carta ao organismo provincial queixándose do mal estado no que quedaban algúns puntos desta estrada despois do seu cambio de trazado e lembrou que un deses puntos nos que se informaba nesa carta era precisamente o que agora está a suscitar as queixas veciñais. Nesa ocasión o Concello solicitou do ente provincial a construción dunha escollera que asegurase o desnivel existente nun dos marxes dese cruce, xa que do contrario podería haber perigo de desprendementos da estrada que enlaza cun vial local.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
