RIBADEO (FNC) .- O alcalde, Fernando Suárez, úrxelle á ministra de Medio Ambiente, Medio Rural e Marino o inicio inmediato das obras de recuperación da ensenada da Vilavella que foron adxudicadas a finais de 2009. O rexedor pídelle que comecen por calquera parte do ámbito de actuación agás pola praia de Os Bloques, ao menos durante este verán.
Suárez Barcia lembrou que “hai un tempo, vai xa para varios meses, desde o Concello congratulámonos de que por fin o Ministerio de Medio Ambiente, Medio Rural e Marino fora investir uns tres millóns de euros na recuperación da enseada da Vilavella, dunha parte importante da praia de Os Bloques e tamén a construción dunha senda peonil de conexión coas Aceas”. O rexedor engadiu que “isto dixémolo hai varios meses despois de que o Concello puxese os terreos a disposición do ministerio concluíndo así un proceso iniciado hai anos e que por fin víamos a luz, pero o certo é que a día de hoxe, eu como alcalde de Ribadeo, vexo que as obras aínda non empezaron. Sabemos que están adxudicadas a unha empresa desde finais de 2009 e vamos xa para mediados de 2010 e as obras seguen sen empezar”.
O alcalde de Ribadeo ven de enviarlle unha carta a Elena Espinosa “urxíndolle a que, por favor, execute canto antes este proxecto e como vamos entrar na época estival e como logo non queremos problemas porque eses traballos coincidan con que os propios bañistas da praia dos Bloques se vexan afectados é polo que lle demandamos que se poñan a executar esta actuación tan importante para Ribadeo e que, por favor, todo este traballo tan importante que teñen por diante non comece pola praia dos Bloques xa que hai moito sitio na enseada da Vilavella, na fábrica de algas, no asteleiro vello, no paseo peonil… hai moito sitio onde traballar sen que agora por mor de certa demora inxustificada se vaia entorpecer o uso por parte dos bañistas desta praia”.
Fernando Suárez amósase convencido de que “os veciños de Ribadeo no global estarán moi satisfeitos de que como quede este proxecto e os bañistas e os usuarios dese areal o estarán tamén dobremente”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
