CERVO .- Concelleiras do goberno municipal de Cevo informaron a representantes das asociacións veciñais e dos colectivos culturais e sociais do municipio do contido dos expedientes que se está a tramitar para conceder o título de fillos adoptivos ao mestre Rivera Casás e ao intelectual Isaac Díaz Pardo.
Nota de Prensa
DÍAZ PARDO E RIVERA CASÁS SERÁN PROPOSTOS PARA SEREN GALARDOADOS COMO FILLOS ADOPTIVOS DE CERVO
* Os dous candidatos forman parte da historia viva de Cervo e foron protagonistas directos dos cambios e logros acadados por este concello no último século
Cervo, 19 de maio de 2010.- As concelleiras Pilar Armada e Chelo Gallego reunironse hoxe na Casa da Cultura de San Ciprián cos representantes das asociacións veciñais e dos colectivos culturais e sociais do municipio para darlles a coñecer o contido dos expedientes que está a tramitar o grupo de Goberno local para conceder o título de fillos adoptivos ao mestre Rivera Casás e ao intelectual Isaac Díaz Pardo.
Segundo indicaron as concelleiras encargadas de instruír senllos expedientes, os trámites iniciados a finais do ano pasado alongáronse máis do que esperaban, “fundamentalmente ao avultado currículo de ámbolos dous e á extensa documentación que tivemos que manexar e solicitar de cara a elaborar estes expedientes” sinalaron.
Gallego e Armada salientaron que os dous persoeiros propostos para o galardón teñen recoñecementos sobradamente merecidos para seren acredores desta distinción “e por iso pretendemos saldar unha débeda de gratitude que temos todos os veciños de Cervo con ámbolos dous”. Na súa opinión, Díaz Pardo e Rivera Casás forman parte da historia viva de Cervo “e son protagonistas directos dos cambios e logros acadados por este concello no último século, por iso pensamos que non pode haber persoas máis axeitadas para abrir a lista de fillos adoptivos deste concello” aseguraron.
Unha vez posto a disposición o contido destes expedientes aos colectivos veciñais e culturais no día de hoxe, estes terán agora a oportunidade de valorar a idoneidade dos mesmos e facer as súas suxestións para despois continuar cos procedementos administrativos correspondentes ata chegar á aprobación definitiva en Pleno da concesión destes galardóns aos seus respectivos candidatos. “A intención do Goberno local é axilizar estes trámites ao máximo para poder aprobar esta concesión canto antes” aseguraron as concelleiras populares.
Francisco Rivera Casás naceu en Magazos (Viveiro) no ano 1912, aínda que vive en San Ciprián dende 1934, cando se incorporou como mestre con praza en propiedade á escola unitaria de nenos desta vila. Na proposta elaborada polo equipo de Goberno cervense saliéntase a súa profunda vocación profesional e a súa entrega non so á formación de varias xeracións de sancibrenses, se non tamén o seu papel dinamizador cultural e coma fundador do Museo do Mar provincial, do que na actualidade é director de honra.
Isaac Díaz Pardo naceu en Santiago de Comnpostela en 1920 na Casa da Tumbona da Rúa das Hortas. A actividade do seu pai, o pintor e escenógrafo Camilo Díaz Valiño, propicia un ambiente artístico e intelectual que nutre ao receptivo rapaz e que o marca, pois sempre acompañou ao seu pai no traballo de escenografía, caligrafía, ilustración e pintura. A súa vinculación con Cervo iniciase en 1963, ano no que inicia o seu proxecto de recuperar a produción cerámica de Sargadelos en Bos Aires xunto con outros senlleiros intelectuais galegos coma Luis Seonae. Finalmente, o 10 de maio de 1970 inaugurou a planta circular das actuais cerámicas de sargadelos. O seu crecente éxito fixo posible que en pouco tempo se convertera nun exemplo do progreso industrial e empresarial galego, oq eu lle serviu a Díaz Pardo e aos seus colaboradores para considerar a posibilidade de que a empresa se puidese mostrar como unha embaixada e exemplo dese sentimento galeguista, que desde moitos anos propagaba Díaz Pardo con moitas das súas actuacións artísticas e empresariais, todo iso, coa idea de renovar e patentizar dende este recuncho cervense todo o que cultural e historicamente caracterizaba a Galicia.
Á xuntanza asistiron os representantes dos seguintes colectivos:
o Aventados
o Mulleres de San Ciprián
o CIT
o Anpa Cervo Nº 1
o A.Veciños Cruz da Venta
o Amigos da Maruxaina
o A. Vecinos Cervo
o Club Deportivo San Ciprián
o A Sombriza
o Amas de Casa Alborada
o Asoc. Mar de San Ciprián
o Asoc. Vecinos Lieiro
o Asoc. Montes Lieiro
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
