VIVEIRO .- Deputación provincial e Concello de Viveiro inician o proceso de contratación de obras en Viveiro por valor de 1.250.000 euros. Trátase de actuacións que se enmarcan dentro do convenio impulsado polo presidente da Deputación, Gómez Besteiro, e o alcalde de Viveiro, Melchor Roel, e que subscribiu Deputación e Xunta, segundo informan desde a Deputación
Nota de Prensa
Gómez Besteiro e Roel inician o proceso de contratación de obras en Viveiro por valor de máis de 1,2 M€
– As actuacións son froito do convenio entre Deputación e Xunta, e impulsado polo Presidente do organismo provincial e o Alcalde deste municipio
– Gómez Besteiro salienta que “tras a aportación dos proxectos por parte do Concello de forma inmediata licitaremos todas as obras no periodo de 2010 e 2011 para que estén rematadas no vindeiro mes abril”
O Presidente da Deputación, José Ramón Gómez Besteiro, a Vicepresidenta Segunda, Lara Méndez, e o Alcalde de Viveiro, Melchor Roel, mantiveron un encontro este martes para poñer en marcha o proceso de contratación de obras neste municipio por valor de 1.250.000 euros. Trátase de actuacións que se enmarcan dentro do convenio impulsado por Gómez Besteiro e Roel, e que subscribiu Deputación e Xunta. O titular provincial salientou que “tras a aportación dos proxectos por parte do Concello de forma inmediata licitaremos todas as obras no periodo de 2010 e 2011 para que estén rematadas no vindeiro mes abril”.
Deste xeito, tres días depois de que a Xunta de Goberno provincial dese o visto e prace ó documento que establece que o Executivo autonómico financiará as actuacións, mentras o organismo provincial se encarga da súa tramitación e execución, Deputación e Concello axilizan os trámites para que, coa máxima celeridade, comecen estas obras que se enmarcan dentro do Plan Extraordinario de Obra Pública, unha iniciativa do organismo provincial, dotada de 60 millóns de euros, e que comeza a desenvolverse na Mariña co obxectivo de manter postos de traballo, e adiantar a saída á crise na provincia.
Pola súa banda, Melchor Roel puxo de relevo a adicación do Presidente co Concello, “xa que con estes e outros proxectos se vai saldar a débeda histórica con este municipio. O Presidente amosa que está cos veciños desta Comarca, e que é receptivo ás peticións dos rexidores municipais. Este acordo co Goberno galego é froito do esforzo de Gómez Besteiro por impulsar a economía de Viveiro mediante a execución de grandes e necesarias obras para o noso Concello”.
O máximo mandatario provicincial salientou que a Deputación dota de servizos públicos a Concellos de todas as cores políticas. Precisamente, a Deputación aprobou o pasado venres un convenio de colaboración coa Consellería de Medio Ambiente para levar a cabo proxectos de urbanización, abastecemento e saneamento nos núcleos barreirenses de San Cosme, San Pedro, San Miguel de Reinante, e Reinante.
Visita ás obras
Este foi o primeiro encontro no que Gómez Besteiro, Lara Méndez, e Melchor Roel supervisaron todos os proxectos que vai executar a Deputación no municipio viveirense. A Comitiva comezou a súa visita na Casa Calvo Sotelo, infraestrutura que conta con 150.000 euros para a reparación da cuberta. Logo, comprobaron o estado do Conservatorio Municipal de Música onde o organismo provincial xestionará actuacións de mellora cun custe de 100.000 euros. A continuación, trasladouse ás localidades de Celeiro e Galdo, onde a Deputación contratará as seguintes actuacións: creación dun campo de fútbol en Lavandeiras (200.000 euros); ampliación e mellora da rede de sumidoiros (150.000 euros).
Asimesmo, o convenio impulsado polo titular do organismo provincial e o rexedor municipal contempla outras obras como: pavimentación e dotación de servizos urbanos nas beirarrúas de Xunqueiras a Magazos (300.000 euros); ampliación e mellora da rede de sumidoiros no lugar de Pallaregas-Covas (100.000 euros); e urbanización e rexeneración do núcleo urbano do Celeiriño (250.000 euros).
Máis de 1,3 millóns
O Presidente da Deputación aproveitou a visita a Viveiro para coñecer o estado doutros proxectos que está a levar a cabo a Deputación neste Concello, e nos que se investiron máis de 1,3 millóns de euros. É o caso das obras de renovación do afirmado dun total de 7 quilómetros das CPs 2604 de Xove por Monte a Valcarría, e 6607 de Infanta a Valcarría, para as que o organismo provincial achegou 540.000 euros; as melloras no vial que une Viveiro e Galdo a dotadas 300.000 euros; e a construción dun campo de herba por valor de 480.000 euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
