CERVO .- O Concello de Cervo ten previsto abordar na sesión plenaria programada para a vindeira semana unha proposta da alcaldía para adoptar un acordo municipal solicitándolle á Tesourería da Seguridade Social a cesión de uso das instalacións da Casa do Mar de San Cibrao para destinalas á realización de servizos municipais, concretamente para situar nos seus baixos o punto de atención á infancia (PAI) e o resto de dependencias baleiras utilizalas para usos asociativos.
Como é sabido, na actualidade a Casa do Mar de San Cibrao posúe unha boa parte das súas dependencias baleiras e dende o Goberno local teñen a intención de dispoñer delas para trasladar nos baixos deste inmoble o servizo de atención infantil, “xa que se trata dunha situación ideal, posto que é céntrica e tería a posibilidade de acondicionar o seu contorno para anexionarlle parte da área verde que o circunda para destinalo como parque infantil e de lecer aos nenos e nenas que utilizan este servizo” indicou o alcalde, Alfonso Villares.
O rexedor lembrou que no último ano o Concello ten remitido distintas solicitudes e mantido conversas cos responsables da Tesourería Xeral da Seguridade Social neste sentido. “As solicitudes feitas neste último ano dende a alcaldía serían suficientes para que este organismo estatal iniciara os tramites de cesión no noso favor, pero aínda así, o que pretendemos é refrendar esta xestión de 12 meses mediante este acordo plenario” recalcou Villares. Neste sentido confiou en que esta proposta sexa apoiada polos membros das restantes formacións políticas municipais, “xa que pensamos que se trata dunha iniciativa que, por un lado redundará na mellora do servizo do PAI e dos nenos que acoden a el; e pola outra permitirá dispoñer dunhas instalacións das cales se poderán beneficiar as asociacións e colectivos do municipio” sinalou.
Desafectación
Por outra banda tamén está previsto que no pleno da vindeira semana se adopte un acordo que permitirá continuar cos trámites administrativos de cara á desafectación dos inmobles do CEIP Rivera Casás coa finalidade de crear nese espazo unha zona de esparexemento de uso público.
Segundo indicou o alcalde, a proposta de acordo non é máis que a continuidade do procedemento iniciado o pasado mes de xaneiro. “O que pretendemos agora é alterar a cualificación xurídica destes inmobles desafectándoos e converténdoos en bens de carácter patrimonial do Concello; para despois e neste mesmo acordo, afectalos novamente coma de dominio público, pero cunha finalidade distinta á educativa que é á que está dedicada actualmente” indicou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
