CERVO .- Cervo xerou no pasado mes de marzo 130 quilos de aceite doméstico usado, os cales foron depositados polos veciños nos seis colectores destinados á súa reciclaxe e que foron instalados polo Concello en todo o municipio.
Pilar Armada, edil de Medio Ambiente, mostrou a súa satisfacción pola resposta dos veciños sinalando que “se trata de cantidades moi significativas” tendo en conta as particularidades do concello de Cervo, formado por diversos núcleos de poboación disgregados entre si. “O certo é que mes a mes estamos a manter unha cifra moi estable de quilos achegados, o cal demostra o grao de implantación deste servizo e da implicación dos veciños no que atinxe á necesidade de reciclar os residuos”.
Así mesmo, a concelleira cervense indicou que a empresa encargada da recollida destes aceites tenlles salientado en varias ocasións que as cantidades acadadas de aceites son máis altas cas de outros concellos de similar tamaño e dispersión da poboación.
Destacan pola súa concienciación os veciños que depositaron 50 quilos de aceite no colector situado na rúa da Aduana (San Ciprián), seguido do que está nas na rúa Concepción Arenal (San Ciprián) onde se recolleron 40 quilos. A continuación séguelle o colector situado entre as rúas do Cobo e do Xunco, con 20 quilos; mentres que os colectores situados no porto de San Ciprián e na rúa Xosé María Cao (Cervo)recollereon 10 quilos. Pola súa parte, no colector situado na urbanización de Río Cobo non se recolleu ningunha cantidade de aceite.
DANOS ECOLÓXICOS
A concelleira de Medio Ambiente cervense sinalou que a recollida de aceites usados é importante para evitar os danos ecolóxicos que xera o seu vertido incontrolado. As graxas arroxadas polos escorregadoiros acaban atascando os sumidoiros e provocan un rápido desgaste dos filtros das depuradoras. Ademais, nos ríos, o fluído forma unha película superficial que impide o paso do osixeno. Neste senso Pilar Armada sinalou que os 130 quilos de residuos xestionados a través dos seis colectores cervenses no mes de marzo é unha cantidade que podería ter contaminado uns 143.000 litros de auga.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
