Nota de Prensa
O Concello de Viveiro é o único dos municipios galegos nos que está prevista a apertura dunha residencia de persoas maiores que ainda non ten ratificado en pleno a cesión do terreo á empresa SOGASERSO
A CONSELLEIRA DE TRABALLO E BENESTAR CONFIRMA AO DEPUTADO BALSEIRO QUE O ALCALDE SOCIALISTA DE VIVEIRO
BLOQUEA A APERTURA DA RESIDENCIA DE VIVEIRO
* Preto de 200 persoas maiores (150 en residencia e 50 máis no centro de día) están á espera de beneficiarse deste novo servizo de benestar que podería xerar entre 70 e 80 empregos
Santiago, 04 de maio de 2010.- A conselleira de Traballo e Benestar, Beatriz Mato mantivo no día de hoxe unha xuntanza co deputado do Partido Popular e Secretario da Mesa do Parlamento de Galicia Jose Manuel Balseiro Orol na que lle confirmou que o alcalde de Viveiro, o socialista Melchor Roel, mantén bloqueada a apertura da nova residencia para persoas maiores desta localidade, pese a que a súa construción xa rematou fai meses.
O Concello de Viveiro é o único dos municipios galegos nos que está prevista a apertura dunha residencia de persoas maiores que aínda non ten ratificado en pleno a cesión do terreo á empresa SOGASERSO participada polas caixas de aforros galegas e titular do novo centro. Tantos as corporacións municipais de Ourense e Vimianzo xa fai meses que adoptaron este acordo.
TRÁMITE IMPRESCINDIBLE
O devandito trámite é condición imprescindible e necesaria para que a nova residencia de Viveiro poida abrir as súas portas. Melchor Roel coñece da necesidade de realizar este trámite desde o 21 de xaneiro de 2010, data na que tivo lugar unha reunión do alcalde con responsables de SOGASERSO e malia todo, e aínda que o Concello de Viveiro celebrou varias sesións plenarias nestes catro últimos meses, o acordo proposto aínda non formou parte de ningunha das ordes do día.
Preto de 200 persoas maiores -150 delas na praza de residencia, e 50 máis no centro de día- están á espera de beneficiarse deste novo servizo de benestar que ademais está previsto que xere entre 70 e 80 empregos. Segundo Jose Manuel Balseiro a situación de bloqueo na que se atopa a apertura da residencia por expresa decisión do alcalde socialista “é resultado dun comportamento pouco digno dun cargo público e supón un grave desprezo a todas esas persoas e familias que precisan facer uso dunha praza de residencia ou centro de día”. Balseiro empraza a Melchor Roel e ao seu equipo de Goberno “a non perder un día mais a adoptar de xeito urxente o acordo plenario que faría posible axilizar a apertura inmediata da residencia”.
ROEL MÁXIMO RESPONSABLE
O parlamentario do Partido Popular de Galicia insiste sinala directamente a Melchol Roel como “máximo responsable da paralizar os servizos sociais no só do seu concello senón do conxunto da comarca” e indica que, contrario a esta actitude, o novo Goberno da Xunta “continúa traballando arreo polo benestar e a mellora da calidade de vida dos galegos e, de xeito especial, daqueles que necesitan o amparo e a colaboración das administracións, como neste caso son as persoas maiores e dependentes”.
PRAZAS 100 PÚBLICAS
A devandita reunión coa conselleira de Traballo e Benestar tivo lugar na mañá de hoxe despois de que o deputado popular se interesase pola apertura da residencia de Viveiro. Beatriz Mato confirmoulle tamén neste encontro que a totalidade das prazas desta nova residencia serán sostidas con fondos 100% públicos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
