NOTA DE PRENSA:
A Consellería de Medio Ambiente, Territorio e Infraestruturas responde por escrito a unha iniciativa dos deputados mariñás do PPdeG Jose Manuel Balseiro e Emma Álvarez Chao
A XUNTA INVESTIRÁ 1,2 MILLÓNS DE EUROS NA CONSTRUCIÓN
DE DEZ VIVENDAS DE PROMOCIÓN PÚBLICA
NO CONCELLO DE OUROL
* O Instituto Galego de Vivenda e Solo desenvolverá estas novas residencias nos terreos que para tal fin ofreceu o Goberno municipal que preside o popular Marcial Sanjurjo.
* Este investimento contrasta co acontecido na pasada lexislatura durante a cal a promoción pública de vivenda na Mariña desapareceu.
Santiago, 25 de maio de 2010.- A Xunta de Galicia confirmou a través dunha resposta por escrito ao deputado do PPdeG Jose Manuel Balseiro Orol que investirá arredor de 1,2 millóns de euros na construción de dez vivendas de promoción pública no concello lucense de Ourol. O Instituto Galego de Vivenda e Solo promoverá estes novos desenvolvementos residenciais nos terreos ofrecidos polo Goberno municipal que preside o popular Marcial Sanjurjo e cuxa cesión efectiva está actualmente en tramitación.
Deste xeito, indica o deputado do Grupo Popular, a Consellería de Medio Ambiente, Territorio e Infraestruturas aposta por facilitar a compra ou aluguer dunha vivenda a prezos accesibles nun concello o de Ourol que, segundo o seu padrón municipal actualizado a xaneiro de 2009, ten 1.216 veciños e nos que este tipo de investimentos contribuirá a fixar poboación.
O deputado Balseiro Orol quixo salientar contraste que estes compromisos implican co acontecido na pasada lexislatura durante a cal a promoción pública de vivenda na Mariña lucense desapareceu. Os actuais responsables da Xunta traballan para, na medida do posible e tendo en conta as restriccións orzamentarias, desenvolver políticas que favorezan o acceso dos cidadáns ao dereito, constitucionalmente garantido, dunha vivenda digna e adecuada. Ao igual que no resto de España, pero en maior medida, o incremento do prezo da vivenda foi exponencial nestes últimos anos nas bisbarras da Mariña lucense. Un incremento ao que ademais agora debemos engadir os efectos perniciosos das proxectadas subas de impostos por parte do Goberno socialista central, que contribúen a diminuír a renda dispoñible dos veciños e polo tanto facer aínda máis complicado que poidan acceder a unha vivenda en aluguer ou propiedade. Decisións como a adiantada pola Xunta na súa resposta oficial, sobre a construción de novas vivendas en Ourol servirá para combater esta problemática.
GABINETE DE COMUNICACIÓN DO GRUPO PARLAMENTARIO POPULAR DE GALICIA
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
