RIBADEO (FNC) .- O alcalde de Ribadeo, Fernando Suárez, fai unha valoración moi positiva dos primeiros días da quinta edición do concurso Ribadeo de tapeo por afluencia de visitantes e por número de tapas vendidas. O rexedor considera que iniciativas coma esta consolidan a Ribadeo como lugar de compras e de ocio e como lugar axeitado e agradable para vivir.
Suárez Barcia dixo que “a día hoxe e despois de ter participado como cliente nalgúns dos 49 establecementos que están a ofertar as súas tapas e despois de consultar a varios dos restauradores a sensación de todos é francamente positiva. Dinme que é moi importante o número de tapas vendidas, o número de persoas de Ribadeo, da Mariña e do Occidente asturiano que acoden a este evento consolidado como ningún outro, sen parangón e sen rival, aínda que nos últimos anos se vaian facendo eco noutros sitios das iniciativas que creamos aquí en Ribadeo”.
O rexedor ribadense sinalou que “como cada ano queremos ir a máis, queremos facer máis cousas e facelas mellor, este ano pasamos de 30 a 49 participantes, e a parte das tapas quixemos poñerlle unha guarnición de animación da Escola Municipal de Música e Danza, de diversos concursos como microrelatos e fotografía, un concurso de cociña creativa para ir enriquecendo toda esta longa semana de Ribadeo de tapeo, ao que todas estas actividades lle dan un impulso tanto na hostalería como no comercio porque tamén fixemos algunhas cousas en conxunto co Centro Comercial Aberto. A pesares de que onte houbo día de praia, os bares que participan nesta iniciativa estaban repletos e eso é moi importante para nós”.
Fernando Suárez manifestou que “durante estes días un xurado xa está a ir de incógnito por todos os establecementos para facer unha preselección, non diremos cales son os finalistas porque queremos que o público siga indo a todos os participantes neste concurso aínda que despois os finalistas sexan pouquiños e os gañadores sexan os que teñan que ser. Parécenos moi importante tamén este ano o premio aos larpeiros de ouro, dado que o número de establecementos é tan grande que vai ser un mérito que alguén poida facer a ruta enteira. Moitos dos establecementos a maiores deste concurso se esforzan por facer degustacións tanto de comida como de bebida e esto denota un sector puxante, importante e con estas iniciativas estamos conseguindo éxito un ano máis”.
O alcalde considera que “esto consolida a Ribadeo como lugar de ocio, de compras, para tomar os viños, para pasear, en definitiva un lugar axeitado e agradable para vivir”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
