NOTA DE PRENSA
NON HABILITAR O CENTRO DE INFANTIL ANEXO AO RIVERA CASÁS PARA UNHA GARDERÍA E DESAPROVEITAR RECURSOS SÓ POR AMOLAR
A Gardería en Cervo sería unha realidade o próximo curso si se aproveitara esta infraestrutura e houbera vontade política do PP no concello e na Xunta
Ao alcalde non lle interesa a optimizacón dos recursos e dedícase a facer propostas para a galería sen contar co apoio necesario doutras administracións
Cervo 15 de maio de 2010. O BNG consideraría positiva a proposta da alcaldía de solicitar a cesión de locais da Casa do Mar de San Cibrao si estas fosen para uso das asociacións do concello, mais mostrou o seu desacordo coas intencións do goberno local de dedicar os baixos do edificio ao Punto de Atención Infantil. Con esta proposta recoñécese dende a alcaldía a necesidade de ubicar estas instalacións nun lugar mais idóneo que os locais da Urbanización da Atalaia onde actualmente están, algo que víñamos reclamando dende fai tempo, mais poñen en evidencia a falla de criterio do goberno local que prefire malgastar recursos públicos coa demolición dunha infraestrura xa lista e adaptada para este fin a dar a razón ao BNG que defende a optimización de recursos poñendo en marcha unha gardería municipal no edificio de infantil anexo ao Rivera Casas que o alcalde prefire demoler.
Os nacionalistas apoiarían a solicitude de cesión de lacais da Casa do Mar si estes foran dedicados a uso das asociacións con actividade no concello.
O portavoz municipal nacionalista, Xoán Estúa, considerou interesante a cesión dos locais da Casa do Mar de San Cibrao “sempre e cando quede calro que estes se vaian a dedicar a locais de reunións e actividades das asociacións con actividade no concelo de Cervo”, para Estúa “pretender a cesión destes locais para o PAI cando precisan obras de remodelación e xa existe outra ubicación perfectamente adaptada como o edificio anexo ao Rivera Casas que xa foi utilizado como centro de infantil, e desaproveitar os recursos existentes e malgastar diñeiro público innecesariamente”
O portavoz nacionalista cualificou de “arroutada” a proposta do alcalde que se fixo pública despois de que o BNG propuxera o que foi centro de infantil do Rivera Casas para unha gardería municipal, polo que considerou que o goberno local “nin ten iniciativa, nin responde ás espectativas dos veciños que lles deron a responsabilidade de gobernar”. Estúa manifestou que “non e tempo de malgastar o diñeiro, senón de aproveitar os recursos e facelo coa maior eficiencia posíbel”
Para os nacionalistas a posta en marcha dunha gardería infantil no concello de Cervo podería ser unha realidade no próximo curso si si se aproveitasen estas instalacións e “existise verdadeira vontade política do PP tanto no goberno municipal como na Xunta de Galiza”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
