LUGO .- A vicepresidenta segunda da Deputación, Lara Méndez, anunciou que o Consello Reitor do INLUDES aprobará un prego que garantirá ós Concellos unha conexión á Rede de 2 megas como mínimo e investirá máis de un millón de euros na implantación da banda ancha en 66 Casas Consistoriais .
Nota de Prensa
A Deputación inviste máis de 1millón de euros na implantación da banda ancha en 66 Casas Consistoriais
– A Vicepresidenta Segunda anuncia que o Consello Reitor do INLUDES aprobará un prego que garantirá ós Concellos unha conexión á Rede de 2 megas como mínimo
– O organismo provincial abre un concurso para dotar ás Casas Consistoriais dun servizo de calidade que permita a comunicación inmediata cos veciños
– Lara Méndez subliña que “en tempo record, implantamos a e-administración. Agora só queda que a Xunta faga a seu traballo, e dote ós lugueses de Internet”
– O Club de Innovación, un portal refente en España, ofrecerá información sobre o Innova-TE como exemplo da implantación da Sociedade da Información no rural
A Vicepresidenta Segunda da Deputación, Lara Méndez, adiantou este xoves que o organismo provincial aprobará no Consello Reitor do INLUDES de mañá un prego, dotado de 1.075.200 euros, para levar a banda ancha a 66 Casas Consistoriais da provincia. Con este orzamento, que se inclúe dentro dos 9 millóns que a Deputación inviste no Innova-TE, o organismo provincial segue a desenvolver este ambicioso programa tecnolóxico que permitirá a implantación da administración sen papel na provincia, aberta 24 horas, e os 365 días ó ano. Lara Méndez subliñou que “abrimos un novo concurso que garantirá ós Concellos, no prazo de 12 meses, unha conexión a Internet de 2 megas como mínimo”.
Esta iniciativa supón un avance sen precedentes en Lugo xa que, por un lado, porase fin ós problemas de acceso á Rede que, debido as condicións orográficas, existen na maior parte dos Concellos lucenses, e por outro, dotarase dun servizo cunha velocidade de conexión que permitirá a comunicación inmediata entre os veciños e a administración.
Deste xeito, a Deputación levará a cabo, en cada municipio, as obras necesarias, como por exemplo, abrir zanxas para achegar a fibra óptica, ou mesmo instalar antenas e satélites; priorizando as tecnoloxías de cable sobre outras, para así evitar bloqueos e desconexións inesperadas que impiden prestar un servizo áxil e eficaz ós cidadáns. Lara Méndez salientou que “dotaremos ás Casas Consistoriais da autopista necesaria que permitirá culminar a implantación da administración electrónica en Lugo”.
Nos vindeiros días, o organismo provincial convocará un concurso aberto a todas as empresas relacionadas co sector. Recibidas todas as ofertas, celebraranse varias mesas de contratación, onde estarán presentes todos os grupos políticos para garantir a máxima transparencia e publicidade no proceso de adxudicación.
Máis do 45% dos veciños sen Internet
A responsable da área de Promoción Económica e de Emprego deu conta dos datos dun informe público realizado pola Xunta de Galicia no que se constata que, na actualidade, máis do 45% dos lucenses non teñen acceso á rede. Ademais, Lugo, seguida de Ourense, é a provincia con menor cobertura da ADSL da Comunidade. Neste senso, salientou que “nós facemos os deberes: en tempo record, implantamos a Administración electrónica na provincia, e dotamos dunha banda ancha de calidade ás Casas Consistoriais. Agora só queda que o Goberno galego faga a seu traballo, e dote ós lugueses de Internet”.
A Deputación, grazas ó Innova-TE, rematará coa fenda dixital nos Concellos a mediados do 2011. Pola súa banda, o Goberno autonómico marca o horizonte de 2013 para mellorar o acceso dos galegos á banda ancha. Lara Méndez destacou que “nós facemos un esforzo moi importante, pero o noso traballo non é suficiente se a Xunta, administración con plena competencia nesta materia, non pon a disposición dos veciños a banda ancha necesaria para que poidan realizar, dende a casa, os 120 procedementos que a Deputación lles ofrece co Innova-TE ”.
Éxito en España
O organismo provincial de Lugo é a primeira administración en Galicia que aporta unha solución integral para a implantación da e-administración na provincia. Co Innova-TE, Lugo da un salto de 0 a 100 no campo das novas tecnoloxías. O programa tecnolóxico da Deputación é xa un éxito en España. Proba diso é que, o portal Club de Innovación, un espazo referente no país que fomenta as prácticas innovadoras para as administracións públicas, publicará toda a información deste proxecto como exemplo para outras Comunidades da implantación da Sociedade da Información no rural.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
