CERVO .- A delegada territorial da Xunta, Raquel Arias, visitou hoxe o parque empresarial de Cuiña, en Cervo, para facer a entrega oficial ao concello das dotacións deportivas executadas por Xestur, xunto co equipamento social e os viais. A delegada estivo acompañada polo alcalde de Cervo, Alfonso Villares, así como por persoal técnico de Xestur.
En conxunto, o custo destas actuacións ascende a 1.080.555 euros, dos cales preto de 200.000 euros destináronse á construción dunha pista de pádel, urbanización unha explanada para aparcamentos, e acondicionamento en xeneral da parcela de equipamento deportivo, incluíndo un sendeiro peonil que une ambas zonas.
Así mesmo, construíronse preto de 1,8 quilómetros de viais e tamén se cede ao concello un solar que deberá destinar a usos sociais. Esta parcela ten unha superficie de 11.250 metros cadrados, mentres que o espazo dedicado a equipamento deportivo ascende a 14.500 metros cadrados.
A delegada territorial sinalou que se trata dunha actuación “que mellora notablemente as dotacións do parque empresarial, contribuíndo a facelo más atractivo para as empresas”. Neste sentido, Arias destacou que o polígono consta de 74 parcelas “quedando aínda 20 dispoñibles, que suman unha superficie á venda de máis de 58 mil metros cadrados”.
O parque de Cuiña é un dos oito polígonos empresariais construídos por Xestur na Mariña luguesa. Mide máis de 578 mil metros cadrados e supuxo un investimento superior aos 3,6 millóns de euros.
Raquel Arias sinalou a necesidade de potenciar este tipo de infraestruturas como instrumento de dinamización económica local, dado que a concentración de servizos ofrece numerosas facilidades para a implantación de novas empresas.
Así, a delegada apostou por seguir apoiando a creación e ampliación dos parques empresariais “onde sexa necesario e sempre con criterios de racionalidade, evitando duplicidades innecesarias, pero dando cobertura a todas as demandas”.
Curso para traballadores desempregados
A delegada territorial visitou tamén aos alumnos e alumnas do curso de formación ocupacional sobre ebanistería que se desenvolve na Casa da Administración de Sargadelos.
Esta actividade formativa, dirixida a traballadores desempregados, está financiada pola Consellería de Traballo e Benestar e organizada e impartida polo Centro de Formación Profesional Ocupacional de Viveiro. O orzamento ascende a 115.000 euros.
No curso participan 15 persoas, que completarán 825 horas de formación teórico-práctica en módulos formativos como a elaboración de planos de carpintería e mobles, mecanizado de elementos de madeira y taboleiros, ensamblado de mobles, composicións de chapa e marquetería ou elaboración de presupostos e xestión de compras.
Os alumnos deben seguir tamén dous módulos transversais sobre prevención de riscos e cuestións medioambientais.
O Centro de Formación Ocupacional de Viveiro organiza esta actividade con carácter itinerante, cada ano nunha localidade distinta en colaboración co concello, sendo esta a primeira edición que se imparte en Cervo. Os asistentes que rematen o curso con éxito obterán o certificado profesional de ebanista.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
