LUGO .- A delegada territorial da Xunta, Raquel Arias, lembrou hoxe que “na distribución de fondos dos programas de cooperación do pasado exercicio os concellos lucenses gobernados polo PSdeG obtiveron o 47,35% das axudas, sendo os máis beneficiados polo reparto”.
A delegada explicou que obtiveron axuda todos os concellos que a solicitaron, e á hora de establecer a distribución das contías respectáronse escrupulosamente os criterios establecidos nas bases, de xeito que 24 concellos da provincia gobernados polo PSdeG sumaron subvencións por importe de 3,5 millóns de euros, o 47,35% do total asignado á provincia.
Pola súa banda, o 42,4% da contía provincial foi a parar a 33 concellos gobernados polo PP, en concreto 3,2 millóns de euros, e preto de 777 mil euros distribuíronse entre 5 concellos gobernados polo BNG.
A delegada territorial considerou así “sesgadas e manifestamente parciais” as críticas formuladas por alcaldes do PSdeG en Santiago, entre os que había representantes de Lugo, por entender que “non están xustificadas, á vista das cifras desta provincia”. Neste mesmo sentido, Arias tamén aludíu a que, “remontándonos ao ano 2008, co mesmo mapa de gobernos municipais, o desfase favorable aos municipios do PSdeG era aínda máis desequilibrado (62% do total) con relación aos concellos nos que non gobernaban”.
Arias alude ás bases da convocatoria, que basean os criterios de reparto nas características das obras e servizos promovidos pola entidade local e dos colectivos de desempregados aos que dará cobertura a actuación, primando aspectos tales como que os proxectos se axusten ás características das persoas demandantes de emprego do territorio ou se realicen
preferentemente en actividades relacionadas coas novas áreas de emprego.
A Xunta tamén valora nas propostas dos concellos aspectos relacionados coas contratacións a realizar, como que se garanta o emprego durante un período mínimo de traballadores desempregados de longa duración, ou que as ofertas de traballo vaian dirixidas a persoas pertencentes a colectivos con especiais dificultades de inserción laboral.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
