A Comisión Focega en Defensa da Sanidade Pública quere facer o seguinte comunicado:
* Esta Comisión valora positivamente o anuncio de dotar á comarca dunha ambulancia medicalizada e que terá a súa base en Foz. Esperamos e desexamos que está promesa se leve a cabo canto antes.
* O anuncio da ambulancia medicalizada non é alleo a reclamación que esta Comisión e os Veciños de Foz están a facer dun servizo de urxencias médicas as 24 horas para o Centro de Saúde de Foz. Mais ben todo o contrario, esta e outras melloras están intimamente relacionadas coas xustas e constantes reclamacións dos veciños de Foz.
* Nese sentido, seguimos animando aos nosos veciños e veciñas a que sigan asistindo as concentracións e demais actos convocados por esta Comisión, porque o esforzo de todas as persoas que participaron e participan nelas foi o que obrigou aos distintos gobernos da Xunta a mover ficha e a poñer melloras sobre a mesa. Esta é a realidade, digan o que digan os que só saben criticar aos que traballan, en vez de unirse a eles para facer mas forza.
* O anuncio da devandita ambulancia non varía para nada a nosa posición de seguir a reclamar as urxencias 24 horas para o Centro de Saúde de Foz. E non varia a nosa posición por os motivos seguintes:
* A mencionada ambulancia deberá desprazarse e acudir alí onde sexa requerida en virtude das circunstancias. Como non podería ser doutra maneira. Non está pois, ó servizo das urxencias médicas de Foz.
* Esta ambulancia non está para tratar as urxencias médicas habituais que se solen atender nun Centro de Saúde. Está para atender casos de especial gravidade en toda a nosa Comarca.
* Foz e ó único concello de Galicia que tendo 10.000 habitantes non ten servizo de urxencias.
* Foz e a comarca, na época estival, ven aumentada considerablemente a súa poboación.
* O PAC de Burela está masificado, e tanto o número de pacientes que atende como o tempo de espera para ser tratado, superan con moito os doutros PACs.
* Todos os grupos que compoñen o Parlamento de Galicia, nun momento ou outro, se comprometeron a resolver este problema. Mesmo presentaron no Parlamento mocións neste sentido.
Por todo iso, e porque é de xustiza, a Comisión Focega continua a reclamar un servizo de urxencias médicas 24 horas para o Centro de Saúde de Foz.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
