RIBADEO (FNC) .- Desde o departamento de Servizos Sociais do Concello de Ribadeo informan que está aberto o prazo ata o 7 de maio para solicitar axudas individuais para a promoción da autonomía persoal e accesibilidade.
Trátase da cvncesión de axudas individuais, de carácter non periódico, para persoas maiores, persoas con discapacidade e persoas en situación de dependencia empadroadas en Galicia, co fin de colaborar en determinados gastos realizados no ano 2010, con efectos do 1 de xaneiro, destinados a: axudas técnicas ou produtos de apoio para o normal desenvolvemento da vida diaria; adaptacións funcionais do fogar e eliminación de barreiras arquitectónicas e de comunicación no interior da vivenda e adquisición de próteses dentais e audífonos.
Os beneficiarios serán: persoas maiores de 65 ou máis anos que acrediten a necesidade dunha axuda que non estea incluída no ámbito doutras liñas de protección social ou sanitaria; persoas con discapacidade menores de 65 anos que teñan recoñecido un grao de minusvalidez igual ou superior ao 33% por resolución anterior á data de publicación desta orde; persoas que teñan recoñecida a situación de dependencia nos seguintes graos e niveis: Grao III, niveis 1 e 2 e Grao II, nivel 1 e 2 e persoas que teñan solicitado o recoñecemento da situación de dependencia con anterioridade á data de publicación desta orde (7/04/2010), sempre que lles sexa recoñecida en calquera dos graos e niveis anteriores.
Programa Volver á casa
O programa Volver á casa pretende promover o contacto dos galegos residentes no exterior cos seus familiares e coa súa terra, fortalecendo os vínculos de unión con Galicia. As axudas consistirán no pagamento do 60% do custo do traslado a Galicia, a data de presentación das solicitudes remata o vindeiro 22 de abril. Poderán ser solicitantes as persoas que cumpran os seguintes requisitos: ser emigrante galego, entendendo como tal os nados en Galicia ou que tivesen a súa última veciñanza administrativa en Galicia, e que acrediten esta condición no correspondente consulado de España; ter nacionalidade española; residir en América; ter 55 ou máis anos de idade contados na data de remate do prazo de presentación de solicitudes; non ter participado nos últimos 5 anos naturais en programas de viaxes a Galicia da secretaría xeral de Emigración; valerse en por si e non padecer trastornos psicofísicos que alteren a normal convivencia e que estean en condicións de realizar unha viaxe de longa duración; ter familiares de ata o cuarto grao de consanguinidade ou afinidade cos que poidan residir durante estadía en Galicia e ter ingresos inferiores a 3 veces o importe das pensións asistenciais por ancianidade do estado español fixado en 2010 para o país de residencia. Se a/o solicitante convive con outra ou outras persoas nunha mesma unidade económica familiar, a contía anterior virá determinada pola suma do límite máximo de ingresos persoais máis o resultado de multiplicar o 70% da devandita cifra polo nº de convivintes menos un.
Poderán ser beneficiarias as persoas unidas por matrimonio, unión de feito ou relación análoga aos solicitantes do programa, sempre e cando cumpran os requisitos establecidos parte dos requisitos anteriormente enumerados e acheguen a documentación xustificativa. Tamén poderán ser solicitantes os fillos de emigrantes galegos que sexan galegos e que cumpran cos requisitos sinalados neste apartado.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
