RIBADEO (FNC) .-. Ribadeo acollerá os días 23 e 24 de abril as III xornadas formativas Abordaxe integral da violencia de xénero desde o ámbito local, que foron presentadas esta tarde no Concello pola edil de Muller, Mariluz Álvarez Lastra, e pola directora do CIM, Luisa González.
A concelleira nacionalista sinalou que “levamos tres anos consecutivos facendo estas xornadas porque nos parece fundamental que os especialistas traten ou teñan a oportunidade de intercambiar imprensións sobre esta problemática. O curso é aberto para todo o mundo porque a violencia de xénero nos afecta a toda a sociedade, ainda que está dirixido básicamente a profesionais que traballan coas vítimas de violencia de xénero desde os servizos sociais, técnicas/os de igualdade, abogados/as, educadores/as familiares, profesorado, axentes das forzas e corpos de seguridade do Estado ou persoal sanitario, entre outros”.
Álvarez Lastra manifestou que “hai unha parte moi formativa, pero quixemos tamén este ano incluir un componente máis didáctico polo que poderemos ver unha representación teatral, sempre relacionada con este tema e tamén a proxección da curta gañadora do concurso de guións cinematográficos que fixemos nos centros de ensino A princesa que quería ser muller e a unidade didáctica feita para traballar con ela. Ademáis os alumnos do colexio Sagrado Corazón presentarán Once miradas con música, un traballo ainda inédito que se enmarca dentro do concurso A mocidade a debate”.
A edil de Muller tamén explicou que “estas xornadas incidirán moito no aspecto educativo, qué podemos facer desde os centros de ensino para previr ou para traballar con aqueles menores que no seu entorno sofren algún tipo de violencia de xénero”.
As xornadas darán comezo o día 23 de abril ás 16:00 horas co acto de inauguración e a continuación haberá unha mesa redonda na que se abordarán aspectos como a violencia de xénero e a discapacidade física e intelectual, a violencia de xénero e a enfermidade mental e violencia de xénero e inmigración. Luisa González suliñou que “se está a extender o falso mito de que as mulleres maltratadas son sobre todo as inmigrantes e eso non é así porque a porcentaxe de inmigrantes maltratadas non é superior á do Estado español. Tamén falaremos esa tarde do tratamento desta problemática por parte dos medios de comunicación, onde moitas veces a muller aparece como culpable ou cunha doble vitimización que é o que se pretende eliminar”.
Xa o sábado 24 de abril haberá varios relatorios nos que analizarán cuestións coma: prever a violencia de xénero desde unhas perspectiva educativa integral; mediación familiar; as nenas e os nenos, vítimas de violencia de xénero; resistencias e dificultades na aplicación da lei integral e actuacións e problemáticas dos diferentes servizos no eido local.
O prazo de matrícula para participar neste curso queda aberto desde hoxe ata o 22 de abril, o prezo será de 15 euros para a matrícula xeral e de 10 euros para parados e estudantes. Os interesados poden inscribirse no Centro de Información ás Mulleres de Ribadeo, a través do teléfono 982 120 739 ou vía e-mail na seguinte dirección: cim@ribadeo.org
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
