RIBADEO (FNC) .- Mª Xosé Vega Bujan, vicepresidenta terceira da Deputación de Lugo e responsable da Área de Benestar Social e Igualdade, inaugurou no dia de hoxe, no Parador de Turismo de Ribadeo, as 3ª Xornadas Formativas sobre Abordaxe Integral da Violencia de Xénero desde o ámbito local, baixo o lema Mellorando a nosa actuación, contribuíndo ao empoderamento das mulleres.
Estas xornadas, que organiza o Concello de Ribadeo, diríxense a profesionais que traballan con vítimas da violencia de xénero, para xuntar coñecementos, mellorar a coordinación e promover estratexias educativas e preventivas encamiñadas a obter unha sociedade libre de violencia.
O Concello de Ribadeo recibiu unha subvención da Área de Benestar Social e Igualdade da Deputación, de 4.000 euros, xa que entre os obxectivos deste departamento está a colaboración cos concellos que promovan políticas activas dirixidas á eliminación da violencia de xénero e á mellora do benestar dos cidadáns.
No acto de inauguración estiveron tamén o alcalde de Ribadeo, Fernando Suárez, a concelleira de Muller, Mariluz Álvarez Lastra e a delegada territorial da Xunta en Lugo, Raquel Arias.
NOTA DE PRENSA:
INFORMACIÓN RELATORES/AS (XORNADAS VIOLENCIA DE XÉNERO)
Venres 23 de abril
MESA REDONDA: INCORPORANDO O ENFOQUE DA DIVERSIDADE AOS SERVICIOS QUE TRABALLAN CON VÍTIMAS DE VIOLENCIA DE XÉNERO.
Ana Luisa Regueira Fuenteseca
Psicóloga clínica
Directora de ALUME ( Asociación Lucense de Ayuda a Personas con
Enfermedad Mental ) desde Mayo del 2009. Anteriormente, traballou como psicóloga en rehabilitación de drogodependentes en Proxecto Home durante 14 anos
Cristina García Gallego
Licenciada en Dereito
Titulo de postgrado de Experto Xurídico en Migracións Internacionais e Dereito de Extranxeiría, otorgado pola Universidade Europea de Madrid e homologado polo Consello Xeral do Poder Xudicial.
Título de Especialista Universitario en Dereitos Humanos, expedido pola Universidade Nacional de Educación a Distancia
Responsable da Oficina de Orientanción e asesoría xurídica a empresas e persoas estranxeiroas do Concello de Lugo, durante o proceso extraordinario de regularización realizado recentemente ó amparo da disposición adicional terceira do Regulamento de Estranxeiría . Ano 2005.
Responsable da asesoría Xurídica da Oficina de Orientación e información a persoas estranxeiras do Concello de Monforte de Lemos dende outubro do ano 2005 ata actualidade.
Responsable do Departamento Xurídico do Programa de Acollida a persoas Inmigrantes, de Cáritas Diocesana de Lugo, con funcións de investigación e asesoramento xurídico a persoas extranxeiras dende o ano 1996 ata actualidade.
Socia titular do despacho profesional de avogados “ESTUDIO XURÍDICO IURIS”, sito na rúa Raiña nº 7-9, piso 4º F-3, dende o ano 1998 ata actualidade, con exercicio profesional principalmente na demarcación xudicial que corresponde a provincia de Lugo.
Experiencia acreditada de exercicio profesional no turno de Asistencia Xurídica do Colexio de Avogados de Lugo, adscrita o turno especial de estranxería, familia, violencia doméstica, menores dende o ano 2000.
Mónica Alvarez San Primitivo
Diplomada en Maxisterio, Especialidade Educación especial
Actualemente traballa como orientadora laboral en COGAMI. As funcións desempeñadas son, orientación laboral, selección de persoal, asesoramento, información, tutorización, impartición cursos T.B.E., ect
ELIAS PALACIO VERDINI
Vicepresidente de FADEMGA-FAEPS
O TRATAMENTO DA VIOLENCIA DE XÉNERO POLOS MEDIOS DE COMUNUNICACIÓN
Ana Belén Puñal Rama
Xornalista e investigadora en comunicación e xénero. Como xornalista, traballa dende hai dez anos na revista TEMPOS Novos, na que exerce na actualidade como redactora xefa. Como investigadora, forma parte do grupo de investigación CIDACOM, da Universidade de Santiago de Compostela, que en 2007 e 2008 realizou dous traballos de investigación sobre o tratamento da violencia de xénero nos medios de comunicación galegos, financiados pola Secretaría Xeral da Igualdade. Participou, ademais, na organización de diversas xornadas, cursos e foros sobre o tratamento da violencia de xénero nos medios. En 2004, formou parte do equipo de organización do I Foro sobre Medios de Comunicación e Violencia contra as mulleres, celebrado a iniciativa do Colexio Profesional de Xornalistas de Galicia, e no que se aprobou o primeiro documento de recomendacións sobre o correcto tratamento da violencia de xénero en Galicia, a Declaración de Compostela. Foi docente, así mesmo, nos cursos de formación dirixidos a xornalistas sobre o tratamento mediático da violencia de xénero celebrados en 2008 pola Secretaría Xeral de Igualdade, e directora do curso sobre Comunicación e Xénero celebrado en marzo de 2009 na facultade de xornalismo. É membra da xunta de goberno do Colexio Profesional de Xornalistas de Galicia e do consello directo do Sindicato Profesional de Xornalistas de Galicia
representación teatral
directora: Mariana Carballal
Licenciada en Arte Dramática e con Mestría en Teatro e Sociedade, é profesora de Interpretación da ESAD de Galicia e profesora de Dirección e Interpretación en Comunicación Audioviual na Universidade de Vigo.
Actriz de Teatro, Tv e Cine. (Manos a la Obra,Nada es para Siempre,Mareas Vivas, Terras de Miranda,Hospital Central,Pratos Combinados ou O Show dos Tonechos en Tv, El Patio de mi Cárcel, Cuando vuelvas a mi lado,O Ano da Carracha, 13 Badaladas, en Cine) son algúns dos titulos da súa traxectoria como actriz. Como Directora arrancou e dirixiu os 50 primeiros capítulos de Libro de Familia (serie de éxito da TVG). Directora da Gala dos Premios María Casares no 2009, coordina e dirixe nestes momentos o Proxecto “Os Soños de Walla”, da ESAD de Galicia e o Fondo Galego de Solidariedade.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
