Nota de Prensa
OS SOCIALISTAS RECLAMAN Á XUNTA PROCEDER A LICITACIÓN, NO PRAZO MAIS BREVE POSIBLE, DOS COLECTORES XERAIS E A EDAR DE FORXAN NO CONCELLO LUCENSE DE FOZ
-O deputado socialista Ismael Rego Rego explica que pasado xa un tempo, máis que prudencial, sen que se teña producido ningún avance neste proxecto é preciso dar resposta ás carencias que nesta materia aínda sofre o concello de Foz
Santiago , 27 de abril de 2010. O deputado do Grupo Parlamentario do PSdeG-PSOE Ismael Rego rexistrou no Parlamento diversas iniciativas sobre a EDAR de Marzan, no concello de Foz. Nunha proposición Non de Lei reclama que o Parlamento Galego insta a Xunta de Galicia a que adopte todas as medidas precisas para proceder á licitación, no prazo máis breve posible, dos colectores xerais e a EDAR de Forxan no concello de Foz.
O deputado socialista lembra, na iniciativa rexistrada, que no plano de saneamento de Galicia, incluíronse por parte do anterior Goberno os colectores xerais e EDAR de Forxan no concello de Foz, segundo o anteproxecto redactado pola Administración hidráulica de Galicia, cun presuposto de execución por contrata de 8.660.027,29 millóns de euros.
Rego advirte que o dito anteproxecto foi remitido ao concello co fin de dar cumprimento ao previsto no Decreto 84/1997, sobre a colaboración técnica e financeira da Administración hidráulica de Galicia coas entidades locais en materia de abastecemento e saneamento de augas e para que adoptase os acordos precisos sobre a asunción dos compromisos previstos para ser asumidos pola administración municipal no dito decreto.
Sinala ademais que o pleno do concello de Foz adoptou a proposta do alcalde todos e cada un dos acordos e compromisos requiridos pola Xunta na sesión celebrada o día 9 de xuño de 2008, acordo que foi publicado no Boletín Oficial da Provincia de Lugo nº 146 do 26 de xuño de 2008 e foron remitidos á Xunta nesas mesmas datas.
Rego explica que pasado xa un tempo, máis que prudencial, sen que se teña producido ningún avance neste proxecto, e dado o alto estado de necesidade que avala a súa urxente execución para dar resposta ás carencias que nesta materia aínda sofre o concello de Foz, dado o seu nivel de crecemento poboacional derivado principalmente, do seu potencial turístico que fai que en distintas etapas do ano a súa poboación chegue a duplicarse, é polo que o Grupo Parlamentario dos Socialistas de Galicia, presenta a seguinte proposición non de lei para o seu debate en Comisión.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
