Nota de Prensa
OS SOCIALISTAS RECLAMAN A MORATORIA DOS 500 METROS, ATA A APROBACIÓN INICIAL DO PLAN DO LITORAL
– A portavoz de Ordenación Territorial e Urbanismo Mar Barcon, dixo que non hai que tomar ningunha “decisión apresurada, xa que pode conducinos a unha volta atrás”
– A portavoz de Medio Ambiente do Grupo Parlamentario Socialista Carmen Gallego di que o POL “non define os usos prohibidos en territorios susceptibles de protección” e amosou a súa “preocupación”, polo que pode supoñer a apertura doutra “porta á implantación de instalacións acuícolas e eólicas en Rede Natura”
Santiago de Compostela, 15 de abril de 2010. A portavoz de Medio Ambiente do Grupo Parlamentario Socialista Carmen Gallego xunto coa portavoz de Ordenación Territorial e Urbanismo Mar Barcon, ofreceron unha rolda de prensa para demandar do Goberno de Feijoo que non se levante, o vindeiro 15 de maio, a moratoria para prorrogar os 500 metros, ata a aprobación inicial do Plan do Litoral.
Barcon anunciou que o Grupo Socialista rexistrou na Cámara Autonómica unha iniciativa para reclamar este compromiso. Asegurou que esta proposta non ten coma obxectivo a paraliza e obstaculizar ningunha decisión, por parte de Xunta. Asegurou que “é unha iniciativa meditada, rigorosa e que afonda no sistema de traballo que dende o PSdeG defendemos, e que debe rexer o sistema de traballo das políticas ambientais da nosa Comunidade”. Aludiu tamén a subcomisión creada en sede parlamentaria “que esperemos empece a traballar na vindeira semana”, e con todas estas aportacions, “o POL poida ser aprobado inicialmente”. Tamén sinalou que non hai que tomar ningunha “decisión apresurada, xa que pode conducinos a unha volta atrás”.
A portavoz socialista apuntou a petición de prórroga na necesidade de ter “un documento rigoroso” para “ordenar e planificar” os usos do litoral. Ademais lembrou que a Xunta debeu conceder aos concellos un mes máis para estudar o POL por mor da súa complexidade.
Pola súa parte a portavoz de Medio Ambiente Camen Gallego denunciou que os municipios afectados polo Plan de Ordenación do Litoral tiveron unha marxe “insuficiente” para estudar o texto antes de facer as súas achegas, xa que a elaboración e comprensión deste texto é “complexo e te nunha redacción farragosa”. Puntualiza tamén que “introduce confusión” en cuestións como a escala, a gama de cromatismo e en certas cuestións de tipo xurídico. E argumentou “non aclara a que terreos afecta”, neste punto criticou a súa aprobación antes das Directrices de Ordenación do Territorio.
A deputada socialista di que o POL “non define os usos prohibidos en territorios susceptibles de protección” e amosou a súa “preocupación”, polo que pode supoñer a apertura doutra “porta á implantación de instalacións acuícolas e eólicas en Rede Natura”, advertiu.
Asegura ademais sobre que o Plan do Litoral “que establece remates abruptos dos corredores ecolóxicos”, e que carece de instrumentos de compensación a particulares na delimitación destas zonas verdes.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
