LUGO .- O Presidente da Deputación de Lugo, José Ramón Gómez Besteiro, e o Alcalde de Ribadeo, Fernando Suárez, supervisaron este martes as obras de mellora que vén de poñer en marcha o organismo provincial na CP 0610 de Altar-Reinante-Os Castros. Trátanse das actuacións no vial que dá acceso á praias das Catedrais, e nas que a Deputación inviste de 500.000 euros. Gómez Besteiro anunciou que “en dous meses, antes do 15 de xuño, os traballos estarán rematados”
O titular do organismo provincial subliñou que “ó igual que no mes de decembro cumpríamos coa palabra dada ós veciños de Ribadeo e entregabámoslle coa máxima celeridade ó Alcalde este proxecto, hoxe poñemos en marcha unhas actuacións moi necesarias que permitirán que no verán a praia das praias da provincia teña un acceso en perfectas condicións”.
Pola súa banda, o Alcalde de Ribadeo incidiu en que co inicio destas obras “vemos de novo que Gómez Besteiro e o seu equipo de Goberno cumpren co seu compromiso. Licitáronse as obras no prazo dado, entregouse o proxecto no marco establecido, e agora antes do previsto, os traballos estarán rematados”.
O organismo provincial acordou incluír varias novidades neste proxecto, por unha parte, aumentar o número de quilómetros da estrada que se tiña previsto mellorar, chegando ós 2,4, concretamente dende o punto 9,920 ao 12,320. Asimesmo, os traballos contemplan o incremento do ensanche do vial e o acondicionamento da plataforma existente dende o punto quilométrico 9,920 ó 11,340 en 6,5 metros, e de 6 metros dende o 11,240 ó 12,320. Deste xeito, a zona de acceso á praia das Catedrais á dos Castro, unha das estradas máis transitadas na época estival, pasará dos 4 ós 6 metros.
Os técnicos da Deputación traballan xa na construción dunha rotonda no entronque do vial de unión coa N-634 e a A-8 que se sitúa no punto quilométrico 11,065. Da mesma forma, o organismo provincial instalará unha depuradora na entrada do areal, e dará saía ás instalacións públicas. Tratase dunha iniciativa que podía ser competencia de Costas, pero que asume a Deputación dentro do compromiso polo medio ambiente.
Construción dun aparcadoiro
O Presidente adiantou que “a Deputación comeza a traballar en colaboración coa Demarcación de Costas, e preservando o medioambiente, na construción dun aparcadoiro que estará listo o vindeiro verán”. Gómez Besteiro explicou que o organismo provincial e o Ministerio están a buscar a situación idónea desta infraestrutura para solventar outros dos problemas que atopan os visitantes desta praia.
Neste senso, o Alcalde subliñou que o proxecto que se comezou a executar este martes “é un paso xigante que virá acompañado da coordinación de esforzos para facer un aparcadoiro. Non vamos pavimentar a costa. A Deputación, como titular desta estrada, e Costas acordarán un proxecto que respecte o medioambiente desta xoia de Galicia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
