CERVO .- O Concello de Cervo anuncia que disporá o vindeiro curso dunhas novas instalacións para o Punto de Atención á Infancia (PAI), será nos baixos da Casa do Mar de San Cibrao, onde anteriormente estaba situado o Centro Saúde do Sergas.
Nota de Prensa
Cervo é o único concello da Mariña na que este servizo ten un carácter gratuíto polo que non implica ningún costo para as familias usuarias
O CONCELLO DE CERVO DISPORÁ O VINDEIRO CURSO DUNHAS NOVAS INSTALACIÓNS PARA O PUNTO DE ATENCIÓN INFANTIL
* O Goberno local está xestionando o traslado deste servizo público aos baixos da Casa do Mar, onde anteriormente estaba situado o centro saúde do Sergas
* Tamén ten previsto reorganizar a zona verde que circunda este edificio para ampliar o parque e as zonas de xogo infantil
* O vindeiro luns ábrese o prazo de inscrición para o curso 2010-2011
Cervo, 10 de abril de 2010.- Os nenos e nenas usuarios do Punto de Atención á Infancia (PAI) do Concello de Cervo terán unhas novas instalacións o vindeiro curso 2010-2011, así o adiantou hoxe o rexedor local, Alfonso Villares.
A intención do Goberno local é trasladar este servizo dende a urbanización da Atalaia, onde está actualmente está situado, cara os baixos desocupados polo Sergas na Casa do Mar. Segundo indicou o rexedor local, ademais da adecuación do inmoble para axeitalo ao uso e coidado de nenos entre 4 meses e 3 anos, este traslado levaría aparellado a reorganización das zonas verdes anexas á Casa do Mar “para ampliar así a zona de esparexemento infantil e as áreas de lecer para os máis cativos”.
Na opinión de Villares, a nova situación sería a máis axeitada para instalar un servizo de atención e coidado de nenos. “Pensamos que os baixos da Casa do Mar cumpren tódolos requisitos para situar alí o PAI. Trátase duns locais amplos e con moitas posibilidades de acondicionamento para poder ofertar un servizo axeitado aos nenos; están situados nun lugar céntrico, pero á vez están relativamente apartados da estrada principal e ademais dispoñen ao seu redor de zonas verdes” recalcou o alcalde.
O luns ábrese a matricula
O vindeiro luns, 12 de abril, abrirase o prazo de inscrición para solicitar a reserva de praza e matricula no vindeiro curso (2010-2011) do Punto Municipal de Atención á Infancia. A data límite para formalizar as inscricións rematará o 12 de maio e ao longo deste período as familias que queiran continuar facendo uso deste servizo, coma as que desexen incorporar aos seus fillos por vez primeira, deberán cumprimentar a correspondente solicitude.
Poderán obter unha copia do formulario correspondente tanto nas oficinas municipais da Casa do Concello, como na Casa da Cultura e no propio PAI (sito na urbanización Atalaia de San Ciprián). As instancias unha vez cumprimentadas deberán presentarse con anterioridade ao 12 de maio no rexistro municipal do Concello. Tamén é posible descargar o modelo correspondente desde a páxina web oficial: www.concellodecervo.com
A apertura do Punto de Atención á Infancia (PAI) no ano 2002 constituíu unha aposta firme do Goberno municipal do Partido Popular pola creación dun recurso destinado a nenos e nenas que necesitan atención e coidado durante un tempo diario e que non poden incorporarse a un centro de educación infantil, A través deste servizo contribúese ao desenvolvemento integral dos nenos e nenas e a facilitar a difícil tarefa de conciliar a vida laboral e familiar. O PAI conta con dúas profesionais de educación infantil e unha pedagoga. O seu horario de funcionamento é de 9.00 a 12.00 h e de 15.00 a 20.00 horas. Na actualidade oferta 20 prazas pola mañá e outras 20 en horario de tarde.
Cervo é o único municipio do conxunto da Mariña lucense que ofrece este servizo de atención para nenos de entre 4 meses de 3 anos dun xeito totalmente gratuíto, sen que supoña ningún custe engadido para as familias usuarias.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
