RIBADEO .- Os ribadenses depositaron nos doce últimos meses 250.000 kilos de residuos nos contedores amarelos, segundo os datos que daba a coñecer na xornada de hoxe o concelleiro de Medio Ambiente. Horacio Cupeiro amósase satisfeito polo esforzo realizado polos veciños na reciclaxe e agarda que sigan a ser responsables e que non se relaxen.
O edil nacionalista explicou que “hai uns días mantiven un encontro coa coordinadora de Ecoembes en Galicia no que me explicou que en Ribadeo recolléronse nos últimos doce meses un total de 250.000 quilos de residuos nos contedores amarelos (envases, briks e latas). A cantidade recollida aquí por habitante casi triplica á media estatal, xa que estamos en 25,4 quilos por habitante e ano, cando en España se chega tan só aos 10, 2 e en Galicia estamos nos 9,2. Esto indica que a xente está a reciclar e a seleccionar, algo que nos satisfai no equipo de goberno”.
Cupeiro sinalou que “tamén se melloraron moito as porcentaxes de impropios que se depositan nos contedores amarelos, hai meses que estamos por debaixo do 30% a partires do que non pagaríamos ningún tipo de penalización. A pesares de todo esto quero pedirlles aos veciños que non debemos relaxarnos, ao contrario debemos de continuar sendo responsables, demostrando que Ribadeo é un Concello responsable cos residuos”.
O concelleiro de Medio Ambiente considera que “debemos continuar con esta liña de descenso de impropios e para conseguilo temos que mellorar en varias cousas. Hai xente, un 8%, que ainda deposita vidro no contedor amarelo, un 5% tamén deixa papel e algúns que deixan materia orgánica… debemos evitar botar vidro, papel e materia orgánica nestes contedores. Si melloramos un pouco máis poderemos pasar de penalizarnos a primarnos, por iso é tan importante que melloremos en todo esto”. Horacio Cupeiro fai unha chamada á poboación para que non “deixen as bolsas fora dos contedores e tampouco o cartón abandonado, agás nos días e nas horas da recollida porta a porta, non queremos que se deixen na rúa voluminosos ou aparatos eléctricos fora dos días estipulados para a súa retirada. Fai moi mal efecto ir paseando por calquera sitio e que a xente se atope cos residuos abandoados de calquera maneira. É mellor que nos avisen para ir recollelos e así evitaremos ter que andar na busca todos os días dun televisor, dunha nevera ou dun palé que quedaron por aí depositados”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
