Rematou o BascketFoz 2010 coa entrga de trofeos

FOZ .- O Delegado da Área Deportes da Deputación, o nacionalista Antonio Veiga fixo entrega na tarde de onte dos trofeos aos finalistas das competicións de cadetes e junior do torneo “Basketfoz 2010”, acompañado polo alcalde de Foz José María García Rivera e o xerente de “Promociones Primera Calidad”. Na terceira edición deste torneo de baloncesto que tivo lugar na vila de Foz entre o 27 e o 31 de marzo, participaron doce equipos, seis cadetes e seis junior.

O Delegado de Deportes da Deputación, o nacionalista Antonio Veiga, felicitou á organización deste evento deportivo, o C.B. Celtas de Foz, polo tesón na organización deste evento que chega neste ano á súa terceira edición. “Veiga salientou a importancia da celebración destes eventos para potenciar o deporte base e ofrecer aos mozos e mozas participantes un estilo de vida saudábel a través da practica deportiva”. Neste sentido, o nacionalista explicou, “a aposta da Área de Cultura por este tipo de eventos e clara e será permanente, como ven sucedendo cada vez que o C.B. Celtas de Foz solicita o apoio da Deputación, saben que poden contar con nos”

Nesta terceira edición do torneo “Basketfoz 2010”, participaron doce equipos, seis en categoría junior e seis en cadetes na modalidade de triangular cruzado, co equipo anfitrión, o C.B. Celtas Foz, Arteixo, C.B. Santurzi, C.B. Corpi, Colegio Leonés e Grupo Covadonga de Xixón en categoría junior e os equipos C.B. Celtas Foz, C.B. Valencia, C.B. Corpi, Grupo Covadonga de Xixón, Santo Domingo de Betanzos e Tirso de Molina de Ferrol na categoría cadete.