Nota de Prensa
O BNG INTERÉSASE POLO REFORZO DA BASE DE VIXIANZA ADUANEIRA CON BASE EN RIBADEO
Bieito Lobeira e Fernando Blanco instan ao goberno galego a demandar melloras no servizo con base en Ribadeo
A Mariña, 29 de abril de 2010. Os parlamentares nacionalistas, Bieito Lobeira e Fernando Blanco, presentaron unha iniciativa no paralamento galego interesándose pola situación do servizo de vixianza aduaneira con base en Ribadeo. Os nacionalistas argumentan o proceso de precarización deste servizo onde a patrulleira “Alcaraván III” con case 25 anos de idade, non está en condicións de atender as necesidades do servizo.
Un embarcación con case 25 anos que só traballa 15 días ao mes por falla de persoal
Os parlamentares nacionalistas chaman a atención sobre a situación da embarcación do SVA, Alcaraván III con base en Ribadeo, que conta con case 25 anos de idade e só alvanza unha velocidade máxima de 20 nós, “claramente insuficiente para o tipo de operacións que debe levar adiante”
Por se fora pouco esta embarcación só traballa 15 días ao mes por falla de persoal e leva parada dende o pasado mes de novembro por avaría, segundo denunciou o sindicato CIG.
Bieito Lobeira e Fernando Blanco recoñecendo a responsabilidade do SVA no Goberno do Estado, preguntan ao Goberno Galego pola valoración que fai da situación deste servizo en Ribadeo, insistindo na necesidade de que este faga xestións políticas para mellorar a situación deste servizo, neste sentido preguntan si a Xunta de Galiza ten ptevisto dirixirse ao goberno do Estado a fin de substituír o Alcaraván III por outra embarcación mais moderna e con mellores prestacións, ademais do incremento do persoal nesta base.