NOTA DE PRENSA
O BNG distribúe en Foz unha publicación sobre o POL
O POL establece algún tipo de protección no 22,7% da superficie do Concello de Foz.
Foz, 20 de abril de 2010.- O Bloque Nacionalista Galego vai continuar coa súa campaña informativa sobre as consecuencias que o Plano de Ordenación do Litoral (POL) ten no Concello de Foz e neste sentido ven de editar un número monográfico da súa publicación “Avante” que nesta semana se vai remitir á totalidade das vivendas da localidade.
Na presentación do número especial do Avante na que participaron os tres concelleiros nacionalistas, o Portavoz Municipal do BNG afirmou que “o compromiso do BNG é coa información e coa transparencia, por iso queremos que os veciños do noso Concello coñezan de primeira mao a proposta que a Xunta plantexa para o noso Concello. A función que estamos a facer hoxe nós era a que se debía estar a facer desde o grupo de goberno, polo que o silencio do mesmo, só se explica porque non saben, non queren ou andan máis preocupados en resolver as súas leas internas”
Basanta que entende que a proposta de ordenación que ven de propoñer a Xunta a través do POL vai facer bo o PXOM de Rivera considerou “decepciónantes as reunión mantidas coa Xunta, posto que os responsábeis autonómicos non pasaron das boas palabras, ficando na inconcreción e sen garantir ningunha modificación substantiva no documento. Mesmamente non hai garantía algunha por parte dos responsábeis autonómicos que teñan vontade de introducir modificación algunha antes da aprobación inicial prevista para o 15 de Maio. O que si esta claro é que a Xunta segue adiante coa súa vontade de aprobar antes de final de ano este documento, co que está evidenciando as mentiras dos responsábeis do PP”.
Nesta mesma dirección o Portavoz Municipal do BNG instou ao PP local “a que se defina publicamente, e lle explique aos veciños se lle parece ben a proposta de ordenación que o POL fixa para Foz. O silencio do PP local non só deixa claro a ausencia de calquera tipo de peso político por parte do grupo municipal popular, que actúan conforme ao “si boana” e as ordes que lle chegan dos concellos do lado, senón que non deixa lugar para a dúbida de que os populares de Foz están a antepoñer os intereses de PP aos intereses do Foz”.
O Grupo Municipal Nacionalista considera un auténtico despropósito as solucións que o POL propón para o Concello de Foz, ao hipotecar o desenvolvemento futuro do Concello fóra do ámbito da vila ao non recoñecer o resto dos asentamentos como núcleo de identidade litoral senón porque establece algún tipo de protección para uso residencial no 22,7% do total do territorio municipal. Basanta criticou que “ Cangas, Nois, Fazouro, A Espiñeira ou Mañente non aparecen recoñecidos como núcleos de identidade litoral o que vai significar a imposibilidade do seu desenvolvemento na práctica aínda que sexan definidos neste ámbito como solo de núcleo rural” e asemade denunciou que a Xunta non dea a coñecer os planos para os ámbitos de recualificación que se fixan para as áreas de mellora ambiental a pesar de que a Consellaría os ten elaborados.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
