Nota Prensa
O GMPP de Burela: “a liquidación do presuposto de 2009 confirma que o bipartito gasta sen control político”.
Os populares din que a documentación confirma que non había cartos para as axudas dos corenta euros.
Aseguran que o bipartito gasta para sacar rédito político.
O GMPP de Burela manifestou hoxe que a liquidación do presuposto de 2009 ratifica unha por unha as denuncias que os populares fixeron ó longo do ano pasado sobre ausencia de rigor político no gasto dos cartos de todos os cidadáns.
Os populares tiñan manifestado que non había contratos para pagar certos servicios. Na documentación faise constar que “…se realizaron unha serie de gastos que correspondían coa realización de cursos ou actividades sen que previamente se aprobase o procedemento legalmente establecido para a súa contratación administrativa…”.
Por parte do PP tamén se denunciou que se aprobaban gastos sen a debida consignación orzamentaria, e que actividades musicais e as axudas dos corenta euros non tiñan cartos no momento da súa realización. Pois ben, na documentación di claramente que “…determinados gastos foron aprobados a finais de ano, nun decreto de 30 de Decembro de 2009…actividades e servicios que se prestaron carecendo de consignación no momento da súa realización… en cantgo a actuacións musicais das festas, orquestras, actividades da delegación de cultura, deportes, axudas dos 40 euros…”. O PP lembra que as axudas dos corenta euros ainda están, a día de hoxe, sen pagar, e Nieves Cando, a día de hoxe, ainda non deu ningunha explicación, o que demostra a súa cobardía política.
Tamén tiña denunciado o GMPP que se estaban fraccionando pagos para non facer contratos administrativos. A documentación indica claramente que “se formalizaron varios expedientes de contratación menor, para o mesmo obxecto, polo que se está fraccionando o obxecto do contrato, e se debería aprobar un procedemento negociado, polo que se está a incurrir en fraude de lei”.
Pois ben, a conclusión do GMPP é contundente: o bipartito gasta alegremente e sen ningún tipo de rigor político os cartos de todos os cidadáns; e ademais gástaos coa finalidade absolutamente partidista e de sacar rendabilidade política. Eso queda demostrado cos practicamente cen millóns de pesetas que se gastaron en gastos diversos, sen ningún tipo de control político.
E todo esto tén un responsable, que é o alcalde. Como tal, tén que ser el quen poña orden dentro do bipartito, cousa que non fai porque de facelo podería ter problemas para rematar a lexislatura. Unha persoa débil, con pouca ou nula dedicación ó traballo, é incapaz de facer o que tén que facer: gastar os cartos de todos con moito sentidiño, porque os poñemos entre todos. Serva de exemplo o enorme retraso no pago ás empresas de recollida de lixo, cando resulta que todos os cidadáns pagamos puntualmente os nosos recibos.
Eso sí, mentres se pagan determinadas cousas e actividades, moitos empresarios de Burela están agardando a que se lle paguen as facturas que se lles adeudan.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
