CERVO .- O alcalde de Cervo, Alfonso Villares, indicou que quere aproveitar os espazos libres da casa do mar de San Ciprián para adicalos a uso público e que está negociando diante da Tesourería da Seguridade Social e da Xunta de Galicia a cesión
Nota de Prensa
O obxectivo e racionalizar e rendibilizar estes espazos de titularidade pública
O CONCELLO DE CERVO QUERE APROVEITAR OS ESPAZOS LIBRES DA CASA DO MAR DE SAN CIPRIÁN PARA ADICALOS A USO PÚBLICO
Cervo, 13 de abril de 2010.- O Concello de Cervo está negociando diante da Tesourería da Seguridade Social e da Xunta de Galicia a cesión dos locais da Casa do Mar de San Ciprián que actualmente se atopan baleiros.
Segundo indicou o alcalde, Alfonso Villares, o Concello de Cervo ten a intención de facerse coa xestión do edificio e lembrou que o titular deste inmoble é a Tesourería da Seguridade Social, mentres que a Xunta de Galicia éa responsable da xestións de algunhas das súas dependencias “de aí o complicado e dilatado deste tipo de xestións” sinalou Villares.
De frutificar estas negociacións o Concello ten previsto situar nos baixos deste inmoble o Punto de Atención á Infancia municipal, mentres que o resto de locais baleiros poderían destinarse a sedes de asociacións e a aulas públicas para o desenvolvemento de actividades diversas.
Actualmente na Casa do Mar de San Ciprián están desocupados os locais que albergaban as oficinas do ISM e as dependencias do antigo centro de Saúde; así como varias aulas máis no andar superior. “Se a estes locais lle engadimos o salón de actos e as dependencias que ten alí o Concello temos un inmoble con moitas posibilidades de adecuación e reorganización para sacarlle un maior proveito para o conxunto dos cidadáns do municipio” dixo o rexedor cervense.
“O que pretendemos é racionalizar os espazos e inmobles públicos dos que dispoñemos para rendibilizar ao máximo as súas posibilidades e co obxectivo de que todo o mundo se poda beneficiar destes locais que actualmente están sendo infrautilizados” salientou o alcalde
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
