BURELA (FNC) .- O goberno do Concello de Burela aprobou en pleno unha moción para que non se supriman as unidades móviles do programa de prevención do cancro de mama. A tenente de alcalde, Neves Cando, advirte que con esta medida se obrigará a todas as mulleres da Mariña a pasar polas longas listas de espera que xa ten o Hospital da Costa.
A edil nacionalista conta que “onte no pleno de Burela asistimos á confirmación dun paso no sistema de desmantelamento dos servizos públicos que leva emprendendo o PP na Xunta dende que está gobernando. Á supresión da gratuidade dos libros de texto, das oficinas de Igualdade e Benestar, do servizo de autopsias que segue sen volver para Burela… agora hai que sumar a intención do PP de suprimir as unidades móviles do programa de prevención do cancro de mama”.
Neves Cando lembra que “o pasado 7 de abril no parlamento galego o PP confirmou a súa intención de desmantelar estas unidades móviles e centralizar todo este servizo no hospital comarcal e onte o PP de Burela mostróuse a favor disto. Dende o equipo de goberno de Burela aprobamos unha moción para que non se supriman estas unidades móviles porque consideramos que a dispersión do noso territorio condiciona moito a movilidade e estas unidades permiten garantir un acceso máis igualitario de todas as mulleres a un dispositivo preventivo de tanta importancia”.
A tamén concelleira de Benestar Social sinala que “a existencia destas unidades móviles contribúe a facilitar a accesibilidade das mulleres a estes recursos sen ter que desprazarse fora do seu concello. E agora o PP pretende que todas as mulleres da Mariña nos despracemos ao Hospital da Costa para facer estas probas cando ata o de agora se podían facer nos distintos concellos grazas ás unidades móviles. E todo esto coa desculpa de aforrar cartos, pero señores do Partido Popular coa saúde non se xoga e todos medios que se poñan para previr o cancro, neste caso de mama, nunca son suficientes. Si se trata de aforrar cartos, que a Xunta do PP se deixe de gastalos en propaganda e poño só algúns exemplos: van gastar un millón de euros en publicitar o decreto contra o galego, xa gastaron máis de 200.000€ na enquisa sobre o galego e máis de 60.000 en poñer as galiñas azuis nas escolas infantís e iso sen falar dos cochazos que se seguen a comprar na Xunta”.
Neves Cando subliña que “coa saúde das mulleres que non se xoga porque as unidades móbiles para a prevención do cancro de mama son necesarias e o PP co beneplácito dos populares de Burela vai suprimir este servizo para que todas as mulleres da Mariña teñamos que pasar polas longas listas de espera que hai no Hospital da Costa. Dende aquí grazas por esquecerse das mulleres da Mariña e xogar tan á lixeira con este programa de prevención do cancro de mama”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
