Nota de Prensa
O PP ESTÁ A FACER A MESMA INTERPRETACIÓN PARTIDISTA CO POL QUE CO DECRETO DOS 500 METROS DO BIPARTITO
O PP de Cervo e o único que defende o POL que xa foi valorado negativamente por todos incluídas as empresas redactoras dos Planos de Ordenación Municipal
As valoracións que o BNG fixo do POL tiveron en conta os ditames técnicos e xurídicos en urbanismo e os datos ofrecidos pola Xunta
Cervo, 22 de abril de 2010. Os nacionalistas insisten en que o Plan de Ordenación do Litoral ten afeccións en Cervo tanto na liña de protección como de Mellora Ambiental e Paisaxística en 1.206has de solo das que 586has están por riba da franxa do 500mts da costa. O BNG demandou ao Alcalde e ao Partido Popular de Cervo mais lealdade cos veciños e veciñas e menos partidismo, xa que podería estar eludindo falar nas súas explicacións das afeccións determinadas pola Área de Mellora Paisaxística e Medioambiental que o PXOM deberá recoller e que na práctica son consideradas polo POL como espazos que deberían estar libres de usos residenciais.
Os nacionalistas ofrecen ao alcalde os seus informes técnicos cando deixe de seguir as directrices do partido e se poña a defender os intereses veciñais.
Os nacionalistas cervenses insistiron en que “todas as informacións difundidas nas súas charlas sobre o POL tiveron en conta ditames técnicos e xurídicos de sobrada solvencia”, que o portavoz municipal nacionalista, Xoán Estúa, “ofreceu ao alcalde cando deixe de atender ás directrices que lle marca o partido e opte por defender os intereses veciñais”. Estúa criticou que Villares estea mais preocupado por desmontar o traballo feito polo BNG que en explicar con clareza os efectos do POL no futuro desenvolvemento urbanístico municipal.” Os nacionalistas engadiron que son moitos os informes xa elaborados por empresas dedicadas a estudos urbanísticos, e en tódolos casos coinciden en que o POL e un documento con numerosas grallas e contradicións, cheo de agravios comparativos e que pretende unha ordenación da Galiza costeira sen atender ao modo peculiar no que a poboación galega está asentada no litoral dende tempos inmemoriais.
Os nacionalistas insisten en que o POL fixa directrices de ordenación do territorio que son vinculantes sobre o planeamento municipal e deberán ser recollidas no PXOM.
O BNG insistiu en que o POL clasifica solo en Cervo con afeccións de 1206has de solo, das que 586 están por riba da franxa dos 500mts da costa. O POL distribúe as diferentes áreas de clasificación na zona de Protección de Área Marítima con 231,72has afectadas onde non está permitido ningún uso residencial, Área de Protección de Corredor con 18,96 has afectadas sen ningún uso residencial, Area de Mellora Paisaxística e Medioambiental con 304,07has afectadas nas que agás excepcións non estarán permitidos usos residenciais que o PXOM deberá atender no futuro a esta determinación, e por último 651,76has. incluídas ámbito de Ordenación nas que o PXOM deberá determinar os seus usos aínda que non están sometidas a ningún grao de protección.
Ademais o POL clasifica solos en zonas consideradas urbanizábeis ou urbanas non consolidadas nunha superficie total de 543,78has, das que 235,88 están por riba da franxa dos 500mts. da costa, repartidas en 113,46has incluídas en zona de Protección Marítima, 16,11has en zona de Protección de ríos, 176,44 na área de Mellora Paisaxística e Medioambiental e 247,22has para Ordenación. “Con estes datos e evidente que o POL ten afeccións moito mais importantes que o decreto dos 500mts., en moitos por riba desta franxa e con carácter de permanencia non provisional como sucedía co decreto do bipartito”, rematou Estúa
As afectacións do POL terán efectos moi negativos para o desenvolvemento urbanístico de diferentes núcleos do concello.
Por último, dende o BNG, volveron insistir en que non e de recibo que zonas do Guióncho e a Venta figuren no POL como novos asentamentos cando hai vivendas con mais de 200 anos, na mesma liña advertiron que hai zonas en Lieiro, Figueirido, Baltar, Cuíña, Rueta, Madeiro ou Fontao sometidas a diferentes graos de protección que deberán ser tidos en conta na redacción do PXOM con importantes efectos negativos para o seu futuro desenvolvemento. Urbanístico. “Estúa advertiu ao alcalde que non xogue con lume, a política do ti vai facendo e un fraco favor que se lle pode dar volta no futuro.”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
