RIBADEO (FNC) .- A concelleira da Muller tilda de exitosas as terceiras xornadas formativas sobre abordaxe integral da violencia de xénero desde o ámbito local que se celebraron os pasados 23 e 24 de abril en Ribadeo. Mariluz Álvarez Lastra asegurou que “ano a ano aumentou a especificidade das xornadas e tamén a calidade dos contidos. Foron uns días moi intensos nos que profundizamos en moitos temas e nos que intercambiamos moitas impresións cos ponentes”. A edil nacionalista suliñou que “se afondou moito nas vítimas colaterais desta problemática, falamos dos nenos e das nenas que conviven no ámbito da violencia de xénero no seu entorno familiar e tamén sobre o trato que deben recibir desde o punto de vista educativo”.
Pola súa banda a responsable do CIM, Luisa González, suliñou que “as mulleres que reúnen as dúas características de ser muller e ter unha discapacidade, enfróntanse a unha múltiple discriminación e a múltiples barreiras que dificultan a consecución de obxectivos de vida considerados como esenciais. Cotas maiores de desemprego, salarios inferiores, menor acceso ós servizos de saúde, maiores carencias educativas, escaso ou nulo acceso a programas e servizos dirixidos a mulleres e un maior risco de padecer abusos sexuais e físicos. Estes son algúns dos rasgos distintivos que afectan a unha grande parte de mulleres con algún tipo de discapacidade”.
González apuntou que “tamén se falou, que si ben temos unha lexilación pioneira no entorno europeo sobre violencia de xénero, está a darse un retroceso na aplicación da mesma. Incúmplese reiteredamente a LO 1/ 2004 de medidas de protección integral contra a violencia de xénero, non sendo aplicada polos orgános xurisdiccionais nos seus termos, e creando mitos e estereotipos que afectan a eficacia na aplicación da lei (cuestionar a gravidade dos delitos, falar de denuncias falsas das mulleres, a utilización dun suposto síndrome de alineación parental… todo co fin de desprestixiar as mulleres, e utilizar os tópicos sexistas sobre as mulleres, como mentirosas, perversas… Esta lei desde a súa publicación superou 129 recursos de inconstitucionalidade (un número sen precedentes no noso ordenamento xurídico)”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
