Nota de Prensa
A iniciativa popular solicita iniciar os traballos para a divulgación e promoción do percorrido que empeza en Ribadeo e continúa por Barreiros, Foz, Burela, Cervo, Xove, Viveiro, Ortigueira, Cedeira e chega ata Neda onde se funde co Camiño Inglés
O PARLAMENTO APROBA, A INICIATIVA DO PPDEG, INICIAR OS TRÁMITES PARA OFICIALIZAR O CAMIÑO DO MAR COMO NOVA RUTA XACOBEA
* Segundo a deputada Emma Álvarez Chao “se trata de iniciar estudios, tendo en conta a documentación existente, para oficializar o Camiño e promover a súa divulgación sendo conscientes de que non hai nada presupostado para actuacións concretas sobre o mesmo durante este ano Xacobeo”
* Para o PPdeG os estudios históricos demostran que o viario cumpre cos requisitos necesarios: existencia dun itinerario de peregrinación histórico, rede asistencial na que os camiñantes obtiñan comida e cama e hai constancia demostrada de presenza continuada de peregrinos
Santiago de Compostela, 8 de abril de 2010.- O Parlamento de Galicia aprobou, na sesión da Comisión de Educación e Cultura celebrada hoxe, unha iniciativa do PPdeG na que se solicita da Xunta de Galicia dar os primeiros pasos e iniciar os trámites e xestións oportunas co obxecto de oficializar como ruta xacobea o novo viario de peregrinación coñecido como Camiño do Mar. A iniciativa popular solicita tamén iniciar os traballos para a divulgación e promoción deste percorrido que empeza en Ribadeo, continua polos concellos de Barreiros, Foz, Burela, Cervo, Xove, Viveiro, Ortigueira, Cedeira e chega ata Neda, no que se funde coa ruta oficial do Camiño Inglés chegando ata Santiago.
Para a deputada popular Emma Álvarez Chao, encargada de defender a iniciativa, “pedimos que se estude e se teña en conta a documentación existente para facer oficial o Camiño e a divulgación e promoción do mesmo, sendo conscientes de que non hai nada presupostado para actuacións concretas durante este ano Xacobeo”. Nese sentido criticou que os partidos da oposición pidan agora axilizar os trámites “cando en catro anos de Goberno bipartito na Xunta de Galicia este Camiño estivo no olvido e non fixeron nada e agora é unha iniciativa do PPdeG a que amosa un compromiso claro e decidido deste partido e do actual goberno da Xunta de Galicia ca Mariña lucense, as portas dun Ano Santo como o actual ante o que o anterior Goberno debería haberse posto as pilas”.
Álvarez Chao destacou as moitas vantaxes e os beneficios que a oficialización da ruta tería para a comarca, non só dende o punto de vista turístico senón tamén nos aspectos culturais, económicos, sociais e relixiosos e fixo referencia as asociacións máis activas, entre as que destacou a Asociación de amigos do Camiño de Santiago Abrindo Camiño e a Asociación de Turismo Rural de A Mariña (Aturmar), na reivindicación da vía.
CUMPRE TODOS OS REQUISITOS
A deputada popular indicou que prestixiosas investigacións históricas demostran a existencia deste novo trazado viario de peregrinación na costa norte galega xa que cumpre os tres requisitos indispensables para converterse nun camiño de peregrinación oficial: demostración da existencia dun trazado viario sobre o que trazar posteriormente o itinerario da vía de peregrinación, existencia dunha rede asistencial na que os peregrinos podan acollerse e atopar comida e cama e, finalmente, demostrar a presenza continuada de peregrinos.
Todas estas condición se estarían a cumprir no Camiño do Mar, resalta a deputada popular, xa que existe documentación histórica suficiente que mesmo pode consultarse actualmente nos arquivos catedralicio e diocesano de Mondoñedo, no Histórico Nacional e en diversos arquivos municipais e parroquias. Por outra banda,tamén existía unha rede asistencial en torno a ese tramo composta por 5 hospitais: San Sebastián de Ribadeo, San Sebastián en San Martiño de Mondoñedo, San Andrés na parroquia de Lieiro, Santa Ana en Santiago de Celeiro e Santiago na parroquia de Santiago de Viveiro. Así mesmo e como mínimo dende o ano 1502 e ata principios do século XIX existe a constancia de peregrinos que empregaban esta ruta costeira.
Tendo en conta todo esto a deputada popular concluíu que é imposible negar a existencia dun camiño físico entre Ribadeo e Viveiro, entorno ao cal existe unha rede hospitalaria empregada por peregrinos e, polo tanto, cómpre dotalo do recoñecemento oficial que corresponda.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
