Nota de Prensa
A Xunta recoñece que o 70% da madeira tirada polo Klaus en montes de xestión pública da Mariña aínda non foi retirada
O goberno do PP de abandona aos pequenos propietarios poñendo dificultades para acceder ás axudas para sacas e repoboacións nos montes afectados e non convoca a Mesa da Madeira que leva cinco meses sen reunirse
Veiga acusou a Balseiro e Chao de mentir á cidadanía en reiteradas ocasións comprometendo prazos dunha retirada que aínda non rematou
A Mariña, a 22 de abril de 2010. Na resposta ofrecida pola Consellaría do Medio Rural a preguntas presentadas no mes de setembro de 2009 en relación á retirada da madeira do Klaus recoñécese o incumprimento por parte da administración autonómica dos compromisos adquiridos en diferentes ocasións por representantes do Partido Popular sobre os prazos de retirada da madeira. O recoñecemento de que só se retirou o 30% nos montes de xestión pública na Mariña e a falta de datos nos montes de xestión privada, deixa en evidencia a parlamentares populares da comarca que garantiron a súa retirada primeiro en setembro, despois en novembro de 2009 e por último en maio de 2010. Os nacionalistas ademais denuncian o abandono por parte da administración aos pequenos propietarios mediante cláusulas nas ordes de axuda para sacas e repoboacións que lles impiden o seu acceso e a conxelación da Mesa da Madeira que aglutina a todo o sector forestal.
Política de propaganda e nin un só prazo dos comprometidos polo PP cumpridos
A resposta, con sete meses de retraso, a unha pregunta presentada polos parlamentares do BNG, Fernando Blanco e Tareixa Paz sobre os prazos de retirada da madeira derrubada polo ciclón Klaus deixa en evidencia os incumprimentos dos compromisos de parlamentares do PP mariñán en relación aos prazos de retirada da madeira derrubada polo ciclón Klaus en xaneiro de 2009. Para o Responsábel Comarcal nacionalista, Antonio Veiga, “nin a Consellaría do Medio Rural nin os seus recadeiros na Mariña cumpriron os seus anuncios con esta comarca xa que nin en setembro, nin en novembro, nin en maio estes traballos van estar rematados”. Veiga acusou ao Partido Popular de “mentir con reiteración e descaro nunha política de propaganda que cae polo seu propio peso”.
Nin recollen a madeira de xestión pública nin axudan aos pequenos propietarios forestais a recuperarse dos devastadores efectos do ciclón.
Segundo os datos ofrecidos na resposta da Consellaría do Medio Rural aos parlamentares nacionalistas, o volume de madeira derrubada polo Klaus en montes de xestión pública na Mariña e de 51.000m3, dos que so foron retirados 15.900m3, só o 31% do total. No tocante aos montes de xestión privada na comarca, a Xunta non ofrece datos de retirada, aínda que estima en 52.100m3 o volume da madeira para a que existen subvencións públicas para a súa retirada. Neste sentido o portavoz nacionalista acusou ao Partido Popular de “abandonar aos pequenos propietarios ao esixir un mínimo de media hectárea para poder acceder ás axudas de sacas co que moitos puideron quedar fora das axudas”, tal como xa denunciaron nalgunha ocasión os representantes do sector, “que ademais viron como na orde de axudas para repoboación publicada no DOG de 8 de xaneiro, a mínima extensión requirida elevouse a unha hectárea”, apuntou Veiga, “que lembrou a costume do PP de ser a apisoadora dos débiles e o trampolín dos poderosos”
A Mesa da Madeira desaparecida sen convocarse dende o mes de novembro a pesar dos compromisos co sector
Por último o Portavoz Comarcal Nacionalista, referiuse á desaparición da Mesa da Madeira, órgano onde está representado todo o sector forestal galego, produtores privados, Comunidades de Montes, industria e administración, onde se achegan posturas dos diferentes axentes que operan no sector, “que leva cinco meses sen reunirse pola falta de interese da Consellaría do Medio Rural en convocala”. Veiga “denunciou os incumprimentos dos actuais responsábeis da Consellaría do Medio Rural dos acordos acadados no seu momento co sector no seo da Mesa da Madeira para axilizar a retirada da madeira dos monte ou para informar das axudas a repoboación” , semella apuntou Veiga, “que aos actuais responsábeis da Xunta este foro lles resulta incómodo e optan por conxelar as súas reunións”
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
