Nota de Prensa
O BNG DE FOZ AFIRMA QUE A XUNTA DESCOÑECÍA TOTALMENTE A REALIDADE URBANISTICA DE FOZ CANDO ELABOROU O POL
“Con este Plan do Litoral o desenvolvemento urbanístico de Foz queda totalmente afectado” afirma Basanta
Foz, 14 de abril de 2010.- O BNG, despois da reunión de onte co Director Xeral de Sostibilidade e Paisaxe da Xunta de Galiza, sacou a conclusión que á hora de elaborar o Plan de Ordenación do Litoral a Consellaría de Medio Ambiente descoñecía totalmente a realidade urbanística do Concello de Foz.
Para o BNG este documento –que se pretende aprobar antes do 15 de maio- non ten a máis mínima consideración co planeamento vixente nin co Plan Xeral en tramitación, aínda que o Director Xeral quedou en recoller algunhas das propostas plantexadas polo Concello e polos redactores. “Con este Plan do Litoral o desenvolvemento urbanístico de Foz queda moi tocado” afirma Basanta. Hai que darse conta que o ámbito de afectación do POL coincide cos ámbitos que o Plan Xeral sinalaba máis adecuadas para medrar, que por outra parte foi desde sempre onde os veciños e veciñas de Foz se asentaron tradicionalmente, é dicir, ao longo da franxa costeira. Neste sentido, o BNG aínda está esperando unha resposta coherente e razoada de porque núcleos tradicionais como Cangas, Nois, Fazouro, Marzán, Mañente ou a Espiñeira non están recoñecidos como núcleos de identidade do litoral, como está por exemplo o núcleo de Rinlo, en Ribadeo.
A maiores e desde un punto de vista técnico -como ben afirman os redactores do Plan Xeral de Ordenación Municipal no seu informe-, este Plan de Ordenación do Litoral carece da suficiente concreción nas súas determinacións e ausencia de documentación básica –como as fichas de unidades da paisaxe- para ser aprobado inicialmente e polo tanto, o BNG de Foz volve a reiterar a súa oposición a este documento, solicitando a súa retirada e a redacción dun novo documento onde se teña en conta a realidade de cada concello e as competencias urbanísticas dos mesmos para ordenar o seu territorio. “Non se pode trazar unha liña ás cegas como fai este plan e querer ordenar todo desa maneira” concluíu Basanta.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
