CERVO .- A rotura dun tramo da rede de subministro de auga na avenida da Veiga, en San Cibrao, provocou que o subministro de auga aos domicilios da zona se vira interrompido. Ao tempo formouse un asolagamento nun tramo da vía de FEVE. A brigada municipal de obras solventou a avaría.
Nota de Prensa
A BRIGADA MUNICIPAL DE OBRAS SOLVENTA UNHA ROTURA DE AUGA QUE OCASIONOU ASOLAGAMENTOS NA VÍA DE FEVE
Cervo, 29 Abril de 2010.- Ao redor das doce da noite desta pasada madrugada a brigada de Obras municipal e os Servizos de Emerxencia do Concello de Cervo (Policía local e Protección Civil) e da Garda Civil mobilizáronse para solventar os desperfectos ocasionados pola rotura dun tramo da rede de subministro de auga na Avenida da Veiga, no núcleo de poboación de San Cirpián.
Segundo sinalou o alcalde, Alfonso Villares -o cal estivo tamén presente no lugar do sucedido-, a rotura dunha tubaxe de fibrocemento provocou que o subministro de auga aos domicilios da zona se vira interrompido, ao tempo que formou un asolagamento nun tramo da vía de FEVE.
A proximidade da vía do tren ao lugar da rotura (apenas 3 metros) motivou que o propio alcalde se puxera en contacto a través do 112 con FEVE para informarse das previsións de paso dalgún convoy de transporte ou de mantemento pola vía “co obxecto de garantir a integridade e a seguridade dos traballadores municipais”, sinalou.
“Unha vez que nos aseguramos que non ía a pasar ningún tren ata as seis e media da mañá os operarios municipais iniciaron os traballos de substitución do tramo roto e a tubaxe quedou finalmente reparada en torno ás tres e media da mañá” indicou Villares. Neste sentido o alcalde quixo salientar a labor dos membros da brigada de Obras municipal, “os cales traballaron arreo para restablecer o subministro e isto é algo digno de mención” indicou.
Por último, Villares lembrou que o tramo de tubaxe no que se produciu a avaría é un dos poucos da antiga rede de fibrocemento que aínda quedan en servizo en San Ciprián e recordou tamén que nos vindeiros días está previsto que dean comezo os traballos de mellora e substitución destas tubaxes antigas, os cales están valorados en preto de 210.000 euros. “Precisamente hai un par de días que os técnicos de Augas de Galicia e da empresa adxudicataria estiveron no concello para programar o inicio destes traballos” recalcou o rexedor.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
