LUGO .- A Deputación convoca un concurso para dotar de banda ancha ás casas consistoriais e telecentros da provincia. A entidades interesadas terán que dotar ós 66 Concellos da provincia, excepto o de Lugo, dunha infraestrutura fiable, segura, e económica para que as casas consistoriais e os telecentros teñan Internet.
Nota de Prensa
A Deputación lanza un concurso para dotar de banda ancha ás casas consistoriais e telecentros da provincia
– Prestixiosas empresas nacionais e internacionais participaron na xornada formativa sobre o Plan de extensión da banda ancha e mobilidade nas comunicación
– Diante a pasividade da Xunta, o organismo provincial porá en marcha este concurso, dotado de máis de 1 millón de euros, para garantir o acceso á Rede dende calquera municipio de Lugo
A Deputación celebrou este martes unha xornada informativa sobre o concurso Plan de extensión da banda ancha e mobilidade nas comunicacións, dotado de máis de 1 millón de euros, cofinanciado nun 70% con fondos FEDER, e nun 30% polo INLUDES, que porá en marcha co obxetivo de garantir ós Concellos e ó organismo provincial os mecanismos necesarios para acceder á Rede. Prestixiosas empresas de ámbito nacional e internacional acudiron á cita, e coñeceron de primeira man os requisitos mínimos que deberán garantir. Deste xeito, as entidades interesadas terán que dotar ós 66 Concellos da provincia, excepto o de Lugo, dunha infraestrutura fiable, segura, e económica para que as casas consistoriais e os telecentros teñan Internet.
O organismo provincial, consciente da fenda dixital en Lugo, e diante a pasividade da Xunta de Galicia, administración con plena competencia na materia, impulsa esta iniciativa que permitirá, una vez que se aprobe o prego, que todos os veciños da provincia poidan en 12 meses acceder á Rede dende calquer punto da provincia malia as características orográficas de Lugo.
Esta actuación súmase e complementa o concurso de despregamento anteriormente adxudicado dentro do programa Innova-TE, o de maior investimento en TICs feito nunca en Galicia nun só prego con 7 millóns de euros. Da mesma forma, este programa facilitará o acceso a unha ampla gama de recursos, servizos, e produtos, mellorando a eficiencia das administracións locais, a interacción cos cidadáns, e a seguridade nas infraestruturas dos municipios lugueses.
A Deputación aclara que a asistencia á xornada informativa non é requisito para a presentación de propostas unha vez que se poña en marcha o concurso, nin suporá vantaxe ou mérito sobre os restantes licitadores.
Asimesmo, unha vez publicados os pregos, as empresas interesadas no concurso poderán poñerse en contacto coa Deputación e aclarar as cuestións que se lles presenten a través do correo electrónico innovate@deputacionlugo.org. Todas as dúbidas serán resoltas e presentadas no Perfil do Contratante do organismo provincial que se publica na páxina web www.deputacionlugo.org antes da data tope de presentación de ofertas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
