LUGO .- O Pleno da Deputación aprobou este martes, coa abstención do Partido Popular, o Plan de Obra Pública, dotado con 60 millóns de euros, así como a modificación do orzamento de 2010 necesaria para a súa execución. Trátase dunha iniciativa histórica e sen antecedentes nesta administración, xa que a Deputación está en plena disposición dos cartos e non tivo que recorrer a créditos nin a financiamento externo. Deste xeito, aprobados os pasos contables, o organismo provincial agarda iniciar canto antes as obras. No Pleno do vindeiro mes, aprobaranse os investimentos do canon deste ano de Chantada e a cuantía do resto de municipios que teñen produción hidroeléctrica, e en mes e medio comezarán a licitarse as outras actuacións contempladas no Plan.
Gómez Besteiro subliñou que “este plan vai permitir trasladar á sociedade que a Deputación é unha administración útil. É un momento moi importante para a provincia e vai a ser acollido con moi bos ollos, xa que non é unha promesa a catro anos, senón que son obras que se van licitar neste ano. Ademais, non se aumenta nin un só euro a débeda”.
Neste senso, o titular provincial destacou que “responde a unha vontade política anticíclica e nun momento no que todos sufrimos restricións económicas. Hai dous modelos, o destinado a facer caixa e a recortes nos servizos como fai a Xunta de Galicia, ou o que escollemos nós, que é arrimar o ombro cando fai falla. O que non vale é botarse para atrás e dicir: como estamos en clave de austeridade, non fagamos ningún investimento. O que está claro é cando comece a repuntar a economía –e xa hai indicios delo segundo algúns informes económicos- a xente preguntará onde estaban algúns cando as cousas ían mal. Ó final isto é pasarlle a factura ós veciños”.
O Plan extraordinario está dotado con 21.923.665 euros, dos que 12.273.665 invístense en viais municipais e provinciais en 19 Concellos. Asimesmo, dentro desta partida, tamén se inclúen 9.650.0000 para convenios destinados a executar obras e mantemento de servizos municipais. A esta cantidade hai que engadir 37 millóns de euros que xa están contemplados no Orzamento de 2010, e que se destinarán a Concellos de todas as cores políticas, ademais doutras actuacións singulares e dos investimentos en materia de cultura e deportes que ascenden a preto de 5 millóns de euros.
O máximo mandatario provincial reiterou que as obras serán contratadas este ano e cumprindo todos os procesos legais para poder executalas. “Non como facía o anterior equipo de goberno que se licitaban sen estar en disposición dos terreos. Isto sí que é difícil de entender. Pola contra, dende que chegamos ó goberno nós xa levamos investido en expropiacións máis de 5 millóns de euros”.
Non ó novo encoro no Navia
O Pleno aprobou por unanimidade a proposta do equipo de goberno na que a Deputación rexeita a construción dun novo encoro no río Navia por considerar que a cunca está suficientemente explotada. O novo Deputado de Medio Ambiente, José Fernández, quen actuou en representación do equipo de goberno neste caso, salientou que a insitución luguesa pide que non só se paralice o proxecto, senón que se garanta por parte das administracións competentes que non haxa outros proxectos semellantes no futuro co obxectivo de procurar o desenvovemento sostible.
A sociedade “Salto de Navia”, filial de Endesa”, está a tramitar o proxecto de construción á altura da localidade de Fornaza , na Fonsagrada. Alcanzaría preto de 300 metros de cota e a cola extenderíase ata o municipio naviego. Segundo o proxecto, a cunca recollerase en 1, 65 quilométros cúbicos de superficie e afectará a uns 15 quilómetros. A Deputación, a través do INLUDES, ante a petición de impacto ambiental da Confederación Hidrográfica do Cantábrico informou negativamente, xa que de levarse a cabo afectaría ó ecosistema e mermaría o potencial turístico nos tres municipios. Asimesmo, o acordo será enviado a todas as administracións afectadas: Ministerio e Consellería de Medio Ambiente, e ós Concellos lugueses de Fonsagrada e Navia, así como ó asturiano de San Antolín de Ibias.
Centro de especialidades Praza do Ferrol
A Deputación tamén acordou, cos votos en contra do Partido Popular e coa abstención de Manuel Varela, instar á Consellería de Sanidade a que manteñan o funcionamento do actual Centro de Especialidades da Praza do Ferrol co obxectivo de evitar a saturación do novo hospital e garantir a prestación da atención sanitaria en condicións óptimas que favorezan ós pacientes e ó seu contorno. Gómez Besteiro subliñou que “a Deputación vaille pedir á Xunta o mesmo que ó Estado. É dicir, que os médicos do INSS se incorporen ó Centro”.
O Centro de Especialidades é referencia para 42 Concellos: Lugo, Abadín, Cospeito, Muras, Vilalba, Xermade, Meira, A Pastoriza, Pol, A Pontenova, Riotorto, Ribeira de Piquín, A Fonsagrada, O Corgo, Castroverde, Baleira, Baralla, Guitiriz, Palas de Rei, Antas de Ulla, Monterroso, Guntín, Portomarín, Taboada, Sarria, Paradela, O Páramo, Láncara, Triacastela, Samos, O Incio, Becerreá, Cervantes, Navia de Suarna, As Nogais, Pedrafita do Cebreiro, Castro de Rei, Rábade, Begonte, Outeiro de Rei, Friol e Negueira de Muniz. En total, presta atención a un total de 224.535 habitantes. No Centro aténdese a unha media de 800 usuarios diarios, dos que o 50% son do Concello de Lugo e o resto dos municipios da Área.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
