FOZ .-O presidente da Deputación, José Ramón Gómez Besteiro, anunciou no Concello de Foz que o organismo provincial investirá neste municipio máis de 600.000 euros en diversas obras.
Nota de Prensa
Gómez Besteiro anuncia novas obras en Foz por máis de 600.000 euros
O Presidente da Deputación, José Ramón Gómez Besteiro, trasladouse este xoves o Concello de Foz onde adiantou que o organismo provincial levará a cabo novas actuacións neste municipio por máis de 600.000 euros.
O titular do organismo provincial e o Alcalde deste municipo, José María Rivera, visitaron, na localidade de Vilaronte, a estrada que une Pequenete a Espiñeira. A anterior corporación provincial deixou licitado e contratado neste vial un proxecto para o acondicionamento de 400 metros, concretamente dende Reiriz a Espiñeira; pero non o executou porque non expropiaron os terreos.
A Deputación retoma e mellora esta iniciativa facéndose cargo do 100% da estrada. Deste xeito, Gómez Besteiro comprometeuse ó acondicionamento da súa totalidade, máis de 2,2 quilómetros. Para elo, o organismo provincial comezará a desenvolver o novo Plan Extraordinario de Obra Pública dotado con 60 millóns de euros, e dous días despois de aprobalo en Pleno. Os traballos, previsiblemente, suporán un desembolso de 500.000 euros, e contemplarán a mellora de toda a vía, a construción de beirarrúas, o saneamento e abastecemento de auga, a instalación de alumeado público de baixa tensión, así como o arranxo dunha ponte.
O Presidente salientou que “é unha obra completa que non se limita ós 400 metros que estaban previstos, e con sentido xa que o que non se pode facer é licitar e contratar unhas actuacións cando non hai terreos para acometelas. Vamos a expropiar e pagar ós veciños o que marque a lei, e logo financiar a obra”.
Pola súa banda, o rexedor municipal destacou que “hoxe é un día extraordinario para o Concello de Foz porque o Presidente comprometeu proxectos moi importantes. O anterior Goberno da Deputación comezou a casa polo tellado contratando unha obra discriminatoria que só atendía a uns poucos con 400 metros de mellora e sen expropiar os terreos. O diñeiro público hai que investido no interese xeral. Este si é o proxecto que queren os veciños desta parroquia”.
Ponte Cabana
Gómez Besteiro e o Alcalde deste municipio supervisaron ademais na localidade de Nois o estado da Ponte de Cabanas, unha estreita infraestrutura cuxos usuarios veñen demandando a súa mellora. Deste xeito, o Presidente anunciou que o organismo acometerá obras de ampliación por valor de 120.000 euros. Para elo, a Deputación, o Concello de Foz, e Feve firmarán un convenio onde as tres administracións asumirán o custe total destas actuacións.
Outros investimentos
O máximo mandatario provincial aproveitou a visita a Fóz para manter un encontro cos veciños da zona, e atender as súas demandas. Deste xeito, Gómez Besteiro indicou que a Deputación estudará o acondicionamento do centro social e o pavillón da parroquia de Cangas dentro do Plan de Comunidade Veciñais dotado de máis de 2 millóns de euros, un 10% máis con respecto ó ano anterior.
O organismo provincial, dentro da aposta pola máxima cooperación cos Concellos, subvencionou obras neste municipio, nas dúas últimas convocatorias deste Plan, por valor de 630.000 euros. É o caso do acondicionamento do vial que une o Chao da Liñeira a Vilacizal, unhas actuacións que supervisou o Presidente, e para as que a Deputación achegou 12.0000 euros.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
