CERVO .- O alcalde de Cervo, Alfonso Villares, valora o anuncio da Xunta da execución dunha depuradora e colectores para a mellora do saneamento da Senra a vez que recorda que é froito colectivo dos veciños e do goberno local.
Nota de Prensa
ALFONSO VILLARES AMÓSASE SATISFEITO POLO ANUNCIO DA XUNTA DA EXECUCIÓN DUNHA DEPURADORA E COLECTORES PARA A MELLORA DO SANEAMENTO DA SENRA
* O alcalde lembra que esta obra é froito colectivo dos veciños e do Goberno local
Cervo, 9 de abril de 2010.- O alcalde de Cervo, Alfonso Villares, amosouse moi satisfeito polo compromiso adquirido hoxe polo Goberno galego no seu consello semanal e mediante o cal a Consellería de Medio Ambiente, Territorio e Infraestruturas e o Concello de Cervo subscribirán un convenio de colaboración técnico-financieira por valor de 465.000 euros que posibilitará a execución das obras de saneamento da Senra.
En opinión do rexedor local, este anuncio supón “a constatación con feitos tanxibles” de que Xunta e Concello de Cervo “estanse a implicar na mellora das infraestruturas básicas dos habitantes deste municipio”. Neste senso Villares lembrou outras actuacións postas en marcha neste último ano, como son as obras de saneamento en Cervo, Sargadelos e Figueirido, ademais do da vila de San Ciprián.
Así mesmo recordou que o saneamento da Senra foi un proxecto no que o Goberno local levaba varios anos traballando da man dos propios veciños deste núcleo de poboación “sen os cales non poderíamos ter acadado este resultado” recoñeceu Villares.
“Ao longo destes anos mantivemos diversas reunións cos veciños ao obxecto de telos informados en cada momento de como estaban indo as negociacións coa Xunta e tamén recollemos as súas suxestións para mellorar o proxecto” indicou.
“Por iso, é especialmente satisfactorio comprobar que as xestións feitas diante dos actuais responsables da Xunta deron os seus froitos en escasos 12 meses”, asegurou Villares, engadindo tamén que o grupo de Goberno local seguirá traballando “para continuar mellorando e ampliando as infraestruturas básicas do noso concello como base para seguir medrando dun xeito harmónico e con garantías de futuro para o conxunto dos cervenses” concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
