NOTA DE PRENSA
O deputado popular está convencido de que a situación non se desbloqueou nos pasadas catro anos por intereses exclusivamente partidistas, e porque o bipartito buscaba atacar con este asunto a un alcalde do PP, desviando a atención sobre a discutible xestión urbanística protagonizada noutros concellos próximos rexidos polo partido socialista
BALSEIRO FELICÍTASE POLO ACORDO ACADADO PARA DESBLOQUEAR O URBANISMO EN BARREIROS E SUBLIÑA QUE ISMAEL REGO SE QUEDA SOLO CRITICÁNDOO
* Tanto o Grupo Socialista Municipal como a Deputación de Lugo, presidida polo PSOE, son favorables ao convenio e presentan esta solución como a como a única saída posible.
Santiago, 11 de marzo de 2010.- O deputado popular Jose Manuel Balseiro Orol vén de felicitarse polo acordo acadado para desbloquear a situación urbanística de Barreiros que pasa pola inminente aprobación dun convenio auspiciado pola Xunta de Galicia.
Balseiro salienta que o seu homólogo socialista Ismael Rego se queda solo criticando esta solución, pois nin tan sequera os seus ataques teñen apoio na opinión manifestada polo Grupo Socialista Municipal de Barreiros, nin pola Deputación Provincial de Lugo, presidida polo PSOE, que xa adiantaron a súa posición favorable ao convenio a través do que se pretende desbloquear esta situación de parálise no desenvolvemento urbanístico do municipio. Balseiro empraza a Rego a reconsiderar a súa postura como única voz crítica ante quen traballa por ofrecer solucións e anímalle a posicionarse ao carón dos seus compañeiros de partido que teñen unha postura máis acertada, favorable ao convenio.
O deputado popular, Balseiro Orol, está convencido de que se a situación non se ten solucionado antes, nos pasados catro anos, é porque así o impediron intereses partidistas. O Goberno bipartito –explicou Balseiro- estaba máis preocupado en atacar a un alcalde do Partido Popular a conta do urbanismo que en ofrecer unha solución para a situación acontecida. O deputado popular está convencido de que os ataques da anterior Xunta tiñan por obxecto desviar a atención, sobre a moi discutible xestión urbanísticas protagonizada noutros concellos próximos rexidos polo partido socialista
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
