O C. B. Xove acadou a vitoria por 83 a 81 (fotos: Miguel Fraga)
XOVE/VILALBA (MFO).- O club de baloncesto Xove acadou, na casa, a súa terceira vitoria consecutiva ante o T.G.M. Arzúa en un final de infarto (83-81) e sae así dos postos de descenso. Pola súa parte o Celtas-Primera Calidad, de Foz, segue sen lograr a segunda vitoria do ano e volveu a perder, esta vez contra o Discoteca Troco Vilalba por 78 a 70.
A pesar da vitoria o Xove non xogou un dos mellores partidos da tempada pois os oitenta e un puntos encaixados superan a media dos últimos partidos. A primeira metade do encontro foi claramente para o equipo visitante pero nos últimos minutos os mariñáns recompuxéronse e o marcador ao descanso estaba igualado.
Na segunda metade os de Arzúa puxéronse de novo por diante e chegaron aos dous últimos
minutos catro puntos por encima. A clave da vitoria estivo na boa defensa e o acerto no tiro exterior destes últimos minutos.
Polo C. B. Xove xogaron: Juan María (26), Andrés (19), Álvaro (8), Fernando (12), Alcalde (4) – Aitor (7), Javi (1), Ángel (4), Piñón (2), José David e Eugenio.
O Celtas-Primera Calidad segue sen acadar a súa segunda vitoria e esta vez perdeu ante o Discoteca Troco Vilalba en un partido moi trabado. Os mariñáns loitaron ata os últimos segundos do partido pero a notable melloría do equipo non foi suficiente para acadar o triunfo.
Para a vindeira xornada o Xove recibe ao C. B. Sarria e o Celtas ao C. B. Noia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
