CERVO .- É xusto recoñecer, que o ciclón Xynthia deixou na Mariña unha escena que todos debemos recordar e por suposto admirar, esta non foi outra que o comportamento dos cidadáns en materia de prevención, se hai pouco máis dun ano, o Klaus, sorprendíanos a todos pola súa virulencia e aínda que a alertas emitíranse no mesmo grao de gravidade, as imaxes entre un e outro son afortunadamente moi distintas, estradas case baleiras, rúas na máis absoluta soidade, establecementos pechados, actividades deportivas suspendidas e así un longo etc., dan mostra da responsabilidade dos cidadáns cando desde as instancias de Protección Civil, advírteselles dos riscos que pode supor unha conduta temeraria. É certo que afortunadamente as peores previsións de vento non se cumpriron nesta comarca, pero simplemente por capricho da propia cicloxénese, e afortunadamente a sorte esta vez estivo da nosa parte, pero simplemente foi sorte, pero os cidadáns deron un exemplo de comportamento e por ese motivo creo de xustiza recoñecelo, aplaudilo e celebralo.
A cultura da prevención, alicerce básico da Protección Civil, está dando os seus froitos e ese é o maior síntoma de madurez dunha sociedade que aínda en situación de risco, sabe que sen a súa achega, pouco ou moi pouco poden facer nin as autoridades, nin os servizos de urxencia. A súa colaboración reduciu o risco, evitou intervencións innecesarias e sobre todo a facilitado aos servizos de urxencias o seu traballo, aos cidadáns só quédanos dicirlles, grazas.