SANTIAGO .- O presidente de Portos de Galicia asegurou que a proposta enviada a Ence sobre o porto de Ribadeo “garante a competitividade do binomio Navia-Ribadeo” e matizou que “non pretendemos quitarlle os tráficos ao porto do Musel”
REFERENCIA
Así o sinalou esta mañá o presidente de Portos de Galicia na súa comparecencia na Comisión 8ª, Pesca e Marisqueo
Portos defende no Parlamento a proposta enviada a ENCE porque garante a competitividade do binomio Navia-Ribadeo
*
Álvarez-Campana: “Estamos dispostos a traballar con flexibilidade, non pretendemos quitarlle os tráficos ao porto do Musel e, estamos convencidos de que a mellor porta de saída da pasta de papel e a de Ribadeo”
Santiago, 25 de marzo de 2010.- O presidente de Portos de Galicia, José Manuel Álvarez-Campana, defendeu hoxe o binomio ENCE/Navia-Ribadeo e a proposta presentada polo ente público manifestando que “mantemos a oferta porque garantimos a competitividade do binomio Mirasol-ENCE, que é moi importante, que os mercados internacionais de pasta de papel son moi esixentes e temos a experiencia de que a manipulación da pasta de papel realizase de forma óptima desde Mirasol”
Así o sinalou esta mañán o presidente de Portos de Galicia na súa comparecencia na Comisión 8ª, Pesca e Marisqueo, para explicar o contido, previsións e conclusións da proposta enviada á empresa ENCE sobor da necesidade de que a devandita empresa continúe cos seus tráficos de pasta de papel desde o porto de Mirasol, en Ribadeo
Para o presidente de Portos de Galicia, outra das razóns fundamentais para manter en Mirasol o tráfico de pasta de papel e o da súa manipulación do que dixo “temos que manter o tráfico desde Ribadeo xa que logo si se realiza desde o Musel pode ter problemas na súa manipulación e, de tipo economico porque a distancia entre a fábrica de Ence-Navia e o porto de o Musel é case tres veces maior que entre Ribadeo e Ence-Navia que somente están separados pola ría”.
Con esta proposta de traballo Portos de Galicia quere facer chegar a ENCE a súa total colaboración para continuar cunha relación que tan bos resultados acadou nos derradeiros anos agardando a máxima colaboración e cooperación polas ambas partes e o comezo inmediato dos traballos. “Estamos dispostos a traballar con flexibilidade, non pretendemos quitarlle os tráficos ao porto do Musel e, estamos convencidos de que a mellor porta de saída da pasta de papel e a de Ribadeo”, concluíu o presidente de Portos.
A proposta
Álvarzez-Campana desglosou a proposta de Portos sinalando que o acordo “levaríase a cabo a través dun grupo de traballo en donde se acaden compromisos, polas dúas partes, en base a un tráfico mínimo a avaliar e por un período de cinco anos”. O ente público quere converter Ribadeo nun referente portuario e atender necesidades loxísticas de ENCE para un transporte sostible, competitivo e coas maiores garantías de calidade na operativa e trato da mercadoría.
Portos de Galicia mantén unha relación histórica coa factoría de ENCE-Navia. No caso de Ribadeo este tráfico é un referente histórico donde a loxística desta mercadoría acadou importantes tonelaxes de exportación nos últimos anos, a pesares da situación económica actual.
A proposta incluiría o compromiso de licitar as obras da dragaxe da canle de navegación do acceso ao porto e as das obras de ampliación da liña de atracada no peirao comercial de Mirasol, por un importe total de 2,4 millóns euros. En canto á estratexia de optimización dos custos que Portos de Galicia está a levar a cabo desde o primeiro de xaneiro coa rebaixa das taxas, o ente público propón tamén a Ence unha revisión da taxa por mercadorías establecendo as bonificacións ao tráfico de pasta de papel en Ribadeo durante os vindeiros 5 anos e que entraría en vigor a partires do ano 2011 o que permitiría un aforro de preto de 50 por cento para a factoría.
Finalmente, Portos de Galicia se comprometería a facer un estudo do nó loxístico de Ribadeo con todos os axentes implicados na cadea de transporte do tráfico de pasta de papel. Os resultados deste traballo permitirían saber como optimizar as operacións, establecendo criterios de funcionamento, procedementos de traballo, aspectos de mellora e a posibilidade de novas áreas e espazos loxísticos.
No caso de Ribadeo, Portos de Galicia ven realizando un esforzo permanente coa realización dunha serie de investimentos para poder mellorar as infraestruturas do porto de Ribadeo e, ao mesmo tempo aos seus tráficos. Polo tanto fíxose unha dragaxe para mellorar o calado no peirao comercial ata conseguir 6 metros, o que supuxo un investimento de mais de 1,4 millóns de euros e que rematou o pasado ano. Neste momento estase a aumentar de cota o peirao de Mirasol cunha inversión que ronda o millón de euros e permitirá a operatividade do porto en calquera condición de marea.
A pasta de papel constitúe unha das mercadorías mais atractivas para a operativa portuaria por seren un produto de alto valor pero cuxa esixencia no seu manipulado implica un importante grao de exquisitez no tratamento da mesma. Portos de Galicia considera que este tráfico debe manterse no porto de Ribadeo con todas as melloras operativas que garantan a excelencia nas operacións.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
