VIVEIRO .- A asociación Provincial de Empresarios da Hostalería de Lugo celebrou en Viveiro a súa gala anual a que acudiron uns 180 hostaleiros da provincia. A vicepresidenta segunda da Deputación, Lara Méndez, participou no acto e entregou un dos galardóns que este colectivo outorga en recoñecemento á traxectoria profesional. Tamén acudiron a gala dos hostaleiros o deputado da area de Cultural, Antonio Veiga, a secretaria xeral de Turismo, Carmen Pardo, o delegada provincial da Xunta, Raquel Arias, e o subdelegado do goberno en Lugo, José Váquez Portomeñe.
NOTA DE PRENSA
Lara Méndez participa na gala anual da Asociación Provincial de Empresarios da Hostalería de Lugo
A Vicepresidenta Segunda da Deputación entrega un dos galardóns en recoñecemento á actividade dos hostaleiros lucenses
A Vicepresidenta Segunda da Deputación, Lara Méndez, participou este domingo na gala anual da Asociación Provincial de Empresarios da Hostalería de Lugo –APEHL- que se celebrou en Viveiro. Lara Méndez entregou un dos galardóns que este colectivo outorga en recoñecemento á traxectoria profesional dos hostaleiros lucenses.
A APEHL concedeu o título de Embaixadores Hostaleiros da Provincia a Manuel Docando, e Silvestre Castro, un matrimonio lugués que rexenta en Barcelona o restaurante Casa Castro. Trátase dun establecemento especializado en marisco, ó que acuden recoñecidas personalidades como xogadores de fútbol do Barça, e o Español. Da mesma forma, os galardóns Toda unha vida que se conceden a profesionais recén xubilados, recaeron en José Vázquez López –Lugo-, Francisco Galdo –Viveiro-, e Carlos Rañón –Ribadeo-. Finalmente, tamén se entregou unha distinción profesional a Guillerme Salgueiro, propietario do Complexo Las Sirenas de Viveiro, e do Hotel Cervantes en Sevilla.
Uns 180 hostaleiros da provincia acudiron á esta cita marcada pola crise económica. O Presidente da APEHL, José Francisco Real Castro, amosou a súa confianza en que “o traballo e o sacrificio de todos” saque adiante o sector, e destacou a importancia da celebración do Xacobeo. Precisamente, a Deputación adiantouse ó Ano Santo, sendo a primeira administración cunha programación previa e estable á esta celebración con Km0 a Compostela. Este programa oferta unhas 25 rutas polo Camiño Francés, Primitivo, da Costa, e Sur. Dende a súa posta en marcha, coñecidos deportitas, colectivos, e mesmo políticos fixeron o Camiño con este programa, e nas vindeiras semanas a Deputación espera a visita recoñecidas personalidades en España.
Ademais da Vicepresidente Segunda da Deputación, participaron na gala de hostaleiros o Deputado da Área de Cultural, Antonio Veita, a Secretaria Xeral de Turismo, Carmen Pardo, o Delegada Provincial da Xunta, Raquel Arias, e o Subdelegado do Goberno en Lugo, José Váquez Portomeñe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
