LUGO .- O Presidente da Deputación, José Ramón Gómez Besteiro, clausurou este mércores o II Seminario Sociedade da Información de Galicia que organizou a Fundación SOCINFO no centro On de Caixa Galicia en Santiago. Trátase dun acto organizado por un prestixio grupo de expertos en novas tecnoloxías en España, e ó que acudiron ós principais responsables nesta materia de todas as administracións da Comunidade. Gómez Besteiro presentou o Innova-TE, o programa tecnolóxico do organismo provincial, dotado de 9 millóns de euros, co-financiado nun 70% con fondos FEDER, e nun 30% pola Deputación, sendo o maior investimento en TICs feito nunca en Galicia.
O titular do organismo provincial explicou que Lugo sitúase nos últimos postos na media dos indicadores estatais, e nos estándares de Europa no que ás novas tecnoloxías se refire. Neste senso, lembrou que coa chegada á Deputación fíxose un cambio de rumbo da institución, apostando polo campo, á cooperación máxima cos Concellos, e a innovación. “As novas tecnoloxías son estratéxicas no noso pacto polo campo, e para frear o despoboamento que sofre a provincia. O Innova-TE fará que os últimos sexamos os primeiros”, subliñou.
A iniciativa do organismo provincial permitirá, mediante a Administración electrónica, promover avances tecnolóxicos e sociais, situando á Lugo como un territorio plenamente inserido na Sociedade da Información. O Presidente asegurou que “ó igual que no seu día Lucus Augusti foi a capital do Imperio Romano, temos o reto de converternos na capital cunha nova Lucus Technology. Para elo, primeiro tivemos que cambiar o noso software, unha partida que xa estamos gañando. Hoxe, miles de lucenses xa están mentalizados de que non podemos seguir ó marxe das novas tecnoloxías”.
Unha nova era na provincia
A Deputación adxudicou definitivamente o programa Innova-TE á UTE Mnemo-Software AG-Fujitsu logo dun proceso de contratación que concluíu sen unha soa alegación, e que estivo marcado pola transparencia e a publicidade. Deste xeito, a adxudicataria implantará a e-administración no organismo provincial e en 66 Concellos da provincia en 2011. Gómez Besteiro incidiu que “comezamos unha nova era na que se acabará o volva vostede mañá nos servizos administrativos, e iniciaremos aberto 24 horas: sírvase vostede mesmo”.
O Presidente da Deputación explicou que, con estas melloras, os cidadáns de Lugo poderán realizar on line, mediante o DNI electrónico, unha gran variedade de trámites na web do Concellos como por exemplo conseguir o certificado de empadroamento, inscribirse na actividade cultural, reservar instalacións deportivas, pedir permiso para unha obra en domicilio, ou solicitar permiso para a queima de rastrollos.
Deste xeito, o programa tecnolóxico do organismo provincial conleva as seguintes actuacións:
* Dotación de infraestruturas tecnolóxicas en Concellos e na Deputación, mediante a creación dun CPD centralizado, así como outro de respaldo e de subministro de ofimática necesaria e solucións de mobilidade ós Concellos.
* Despregue da Administración electrónica en Concellos e Deputación, mediante a dotación e poste en marcha da completa plataforma de servizos con todos os compoñentes de back-office para lograr unha verdadeira revolución no servizo ós cidadáns e a mellora da eficiencia no traballo dos empregados públicos.
* Plan de dinamización e alfabetización tecnolóxica, mediante un forte despregue de accións que apoien e sustenten o cambio de paradigma ós diferentes niveis implicados, funcionarios, cidadáns, e empresas.
* Despregue de solucións de banda ancha na provincia, que garantirá a conectividade necesaria en puntos clave da xeografía lucense ós que na actualidade non chega.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
