NOTA DE PRENSA
Os populares pídenlle ó alcalde que lles explique ós seus compañeiros de partido que o hospital non perderá autonomia.
Para o PP, “hai que axilizar a entrevista con José Blanco”.
O PP lembra que Touriño nin recibiu ó alcalde nin visitou Burela oficialmente.
O PP de Burela manifestou hoxe que logo da reunión do alcalde co presidente da Xunta, “temos que pedirlle ó alcalde dúas cousas, a primeira que convenza ós seus compañeiros de partido e socios de bipartito de que o hospital non perderá autonomía, e a segunda axilizar canto antes a entrevista con José Blanco para salir de dúbidas sobre as alegacións que se teñen presentado con respecto á autovia”.
Os populares lembran que o manifestado por Núñez Feijoo ó alcalde de Burela sobre o hospital é o mesmo que dixo sempre o PP, tanto no parlamento, coma nos medios informativos. En cambio, o alcalde caracterizouse pola súa confrontación, mesmo asistindo a reunións da plataforma, polo que usou o asunto cun claro interese partidista. Agora debe explicarlles ós seus compañeiros de partido, especialmente ó Sr. Rego, e ós socios do bipartito o que lle dixo o Presidente da Xunta.
No que respecta á reunión co Ministro de Fomento, e tendo en conta que a entrevista está solicitada desde o verán, e que o Sr. Blanco vén a Galicia con certa frecuencia, sería bon axilizar a mesma, para coñecer cales son as intencións de Fomento. E decimos esto porque resulta curioso que o alcalde fose recibido polo presidente da Xunta, Núñez Feijoo, cando o Sr. Touriño nin o recibiu nin visitou Burela oficialmente, agás con motivo do Klaus. Semella que o alcalde non tén moito interese na reunión con Blanco, ou que o seu peso dentro do seu partido non é importante. Pero a reunión si que é importante para o noso concello, xa que o trazado da autovía Barreiros-San Cibrao é determinante para o futuro de Burela. Tanta preocupación tén o alcalde polo corredor San Cibrao-Ferrol, e resulta que o que máis nos afecta, que é o tramo Barreiros-San Cibrao, non lle importa demasiado e agacha a orella ante a falla de información existente.
Os populares lembran que á reunión con Blanco acordouse que asistirían representantes de todos os colectivos e partidos que participaron na elaboración das alegacións.
En Burela, a oito de Marzo de dous mil nove.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
