MONDOÑEDO .- A Xunta Directiva do GDR da comarca de A Mariña aprobou, ao abeiro do programa Leader 2007-2013, axudas destinadas á construción dunha residencia e un centro ocupacional para persoas dependentes con enfermidade mental en Cervo, á construción dun velatorio na parroquia de Santo Tomé, en Lourenzá e a realización do Mercado do Nadal de Ribadeo.
Nota de Prensa
Mondoñedo, 31 de Marzo de 2010
A XUNTA DIRECTIVA DO GDR APROBA A REALIZACIÓN DE TRES PROXECTOS BAIXO A FINANCIACIÓN DO LEADER.
Na tarde de onte tivo lugar a xuntanza da Xunta directiva da asociación na que se lle deu luz verde a tres proxectos que recibirán axuda do Leader por valor de 245.930,72euros.
A Xunta Directiva aprobou as axudas destinadas á construcción dunha residencia e un centro ocupacional para persoas dependentes con enfermidade mental en Cervo, á construcción dun velatorio na parroquia de Santo Tomé, en Lourenzá e a realización do Mercado do Nadal de Ribadeo.
A residencia, promovida pola Asociación de axuda ao enfermo mental A Mariña, recibirá unha subvención ao abeiro do Leader que ascenderá a 200.000 euros, aos que se sumarán 36.601,53€ destinados á construcción do velatorio, promovido pola empresa Pousada Multiservicios, S.L. e os 3.758,73€ cuxa finalidade será financiar a realización do Mercado do Nadal de Ribadeo, organizado polo propio Concello de Ribadeo.
Tras esta aprobación os expedientes serán remitidos a AGADER para que se proceda a comunicarlle ao beneficiario a resolución e poida iniciar as inversións ou, no seu caso, a xustificación das mesmas para o cobro da axuda.
Estes son os primeiros proxectos aprobados polo GDR da comarca de A Mariña ao abeiro do programa Leader 2007-2013, que comezou a funcionar a finais do ano pasado.
Nesta mesma xuntanza, tamén se aprobou a participación do GDR en catro proxectos de cooperación. O Proxecto “Salio”, destinado á recuperación dos ríos salmoneiros; o proxecto “Aeródromos no mundo rural” para a utilización dos aeródromos como infraestructuras turísticas; o proxecto “Pequenas accións, grandes repercusións”, no que se realizarán acción encamiñadas á reducción de residuos e o Proxecto “Rede de espazos ambientalmente competitivos II”, no que se levarán a cabo distintas accións para a mellora da competitividade dos territorios asociados á figura “ Reserva da Biosfera”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
