CERVO .- Agustín Hernández, conselleiro de Medio Ambiente, “por cuestións de última hora”, non acudiu a cita co “grupo de goberno local do Concello de Cervo” que anunciara que o conselleiro presidiría “o acto oficial de entrega das 14 vivendas unifamiliares construídas en Río Cobo pola Xunta de Galicia” . Acudiu a Cervo o director xeral do Instituto Galego da Vivenda e Solo que entregou 42 vivendas de promoción pública tamén en Murase Mondoñedo
REFERENCIA
O director xeral do Instituto Galego da Vivenda e Solo entregou 42 vivendas de promoción pública en Muras, Cervo e Mondoñedo
Medio Ambiente, a través do Instituto Galego de Vivenda e Solo, destinou case catro millóns de euros á construción das vivendas de promoción pública
As vivendas adxudicadas foron 10 en Muras, 14 en Cervo e 18 en Mondoñedo
Boné entregou un total de 42 vivendas de promoción pública en Muras, Cervo e Mondoñedo na provincia de Lugo
Santiago, 22 de marzo de 2010.- O director xeral do Instituto Galego de Vivenda e Solo (IGVS), Antonio Boné, visitou hoxe as localidades luguesas de Muras, Cervo e Mondoñedo, para facer a entrega dun total de 42 vivendas de promoción pública. Todas as vivendas entregadas hoxe polo IGVS, dependente da Consellería de Medio Ambiente, Territorio e Infraestruturas, corresponden a promocións iniciadas nos anos 2003 e 2004 polo goberno anterior ao bipartito.
O prezo de venda das vivendas oscila entre os 41.784 e os 77.270 euros, mentres no caso das vivendas en alugueiro as rendas mensuais oscilan entre os 118 e os 160 euros.
Muras
As vivendas entregadas en Muras foron 10, das que dúas se destinarán a aluguer; 14 en Cervo e 18 en Mondoñedo, para as que o Goberno galego, a través do IGVS, destinou case catro millóns de euros para esta actuacións.
Todos os inmobles de Muras, tanto os destinados ao aluguer como os destinados a compravenda, teñen unha extensión de 87 metros cadrados, dispoñen de calefacción de gas e praza de garaxe. Ademais de cociña, baño, aseo, dispoñen de tres dormitorios con solo de parqué ou plaqueta-gres.
Cervo
As vivendas adxudicadas en Cervo foron 18, nove en réxime de aluguer e cinco destinadas á compravenda. Ademais, no Concello de Cervo a Consellería de Medio Ambiente ten previsto destinar case sete millóns de euros ás obras do último treito da Vía de Altas Prestacións da Costa Norte que conecta coa autovía de titularidade estatal, que terá unha lonxitude de 18 metros de lonxitude. Por outro lado, esta previsto un orzamento de case 16 millóns de euros en materia de axudas para a elaboración do PXOM deste concello.
Así mesmo, o departamento de Agustín Hernández ten previsto destinar case 20.000 euros en materia de axudas para a elaboración do Plan Xeral de Ordenación Municipal deste concello.
Outra das importantes actuacións en Cervo é o parque empresarial de Cuiña, para o que xa se convocou un concurso público para a venda de 20 parcelas. Dentro do Plan do Solo Empresarial, aprobado o pasado 18 de febreiro, Medio Ambiente ten previsto tamén a posta a punto do parque empresarial de Xove-Cervo.
En Cervo o Director Xeral do IGVS entregou 15 vivendas, das que nove son en réxime de alugueiro e cinco en compravenda. A vivenda restante foi cedida polo IGVS ao Concello en compensación pola cesión dos terreos nos que se construíron.
As vivendas entregadas en Cervo contan todas cunha superficie útil de 84,95 metros cadrados, dispoñendo de tres dormitorios, así como estar-comedor, cociña, baños, tendedeira, praza de garaxe e trasteiro. As vivendas contan con calefacción e auga quente sanitaria con caldeiras individuais de gas, pavimentos de plaqueta de gres e parqué de madeira, alicatados de azulexos, carpintería interior de madeira vernizada e exterior de aluminio lacado en cor.
O investimento realizado polo IGVS na súa construción foi de 1.050.000 euros.
Mondoñedo
Finalmente, en Mondoñedo o director xeral do IGVS entregou un total de 19 vivendas de promoción pública construídas polo IGVS cun investimento de 1.271.336,88 euros.
O réxime de adxudicación de 13 das vivendas entregadas é o de aluguer mentres que as seis vivendas restantes entregáronse en réxime de compravenda.
A meirande parte destas vivendas contan cunha superficie útil de 84,40 metros cadrados e tres dormitorios. Son 14 as vivendas que cumpren estas condicións, mentres catro vivendas dispoñen de 90 metros cadrados de superficie útil e catro dormitorios e unha vivenda dispón de 70 metros cadrados de superficie útil e dous dormitorios.
Tódalas vivendas contan co cociña, estar-comedor, baños, trasteiros e praza de garaxe e dispoñen de calefacción individual con caldeiras de gas. Os pavimentos das vivendas son de plaqueta de gres e tarima flotante de madeira, os alicatados realizáronse con azulexo, a carpintería interior é de madeira vernizada e a exterior de aluminio lacado en cor.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
